کساناں نے وی وزیر اعلی ھاوس دے گھیرے دی تڑی لا ݙیتی
لاہور ۔ محکمہ آبپاشی دا غریب کساناں تے آبیانہ ٹیکس بم ، آبیانہ دے سالانہ ٹیکس ءچ سو فیصد اضافہ کر ݙیتا گئیا ۔ اضافہ فی ایکڑ د حساب نال کیتا گئیا ھِ جو ݙنہاں موسمی فصلاں خریف تے ربیع تے ٢٠١٩ توں لاگو کیتا گئیا ھِ آبیانہ دی شرح ءچ اضافہ توں کساناں تے سالانہ ٨ ارب روپے دا اضافہ وزن پوسی آبیانہ کیتے محکمہ آبپاشی نے ݙو کروڑ چالھی لکھ ٧٧٣ ایکڑ رقبہ مختص کیتا ھِ
ایں تو پہل ہر سال آبیانہ ݙو واری وصول کیتا ویندا ھا فصل ربیع تے ساڑھے پنجاھ روپے فی ایکڑ تے فصل خریف تے ساڈھے ٨٥ روپے فی ایکڑ دے حساب نال وصول کیتا ویندا ھا ھن ایندے ءچ سو فیصد اضافہ کیتا گئیا ھِ ایں اضافے دے بعد ربیع دی تمام فصلاں تے ھک سو روپے فی ایکڑ خریف دی تمام فصلاں تے ١٧١ روپے ٥٠ پیسے کر ݙیتا گئیا ھِ جیندی وصولی دا سلسلہ فصل خریف ٢٠١٩ شروع کر ݙیتا گئیا ھِ اے کرݨ نال محکمہ آبپاشی حکومت پنجاب نے غریب کساناں تے آبیانہ بم چلا ݙیتا ۔
ایں حوالے نال فارمرز ایسوسی ایشن دے صدر نال گالھ کیتی گئی تاں انہاں آکھیا کہ اے بہوں وݙا ظلم ھِ کساناں دے نال اساں اضافے کوں یکسر مسترد کریندے ھیں نہراں ءچ پانڑی موجود کینی اے پہلے ہفتے وار راجباہ چلیندے ھن ، ھݨ راجباہ بند کر ݙیتے ویندے ھن تے پانڑیں کسانوں کوں نی ݙیتا ویندا جیندے نال زمین بنجر تھئندی ویندی ھِ تے کسان معاشی طور تے تباہ تتھیندا ویندے ، انہاں آکھیا کہ او وݙا ظلم ھِ کہ پنجاب دے حصے دا پانڑیں سندھ کوں ݙیتا ویندا پیا ھِ پنجاب دیاں زمیناں بنجر کیتی ویندن تے اوتوں محکمہ آبپاشی حکومت پناجب نے غریب کسانوں تے آبیانہ ءچ سو فیصد اضافہ کر تے آبیانہ بم چلا ݙیتا ھِ جئیں نال کسان مزید بدحالہ دا شکار تھئی ویسی اضافی نوٹس واپس گھیدا ونجے ورنہ پنجاب دا کسان وزیر اعلی دے گھر لاہور دا گھیرا کریسی۔
