میر شکیل دی گرفتاری دیخلاف اپوزیشن جماعتاں دی درخواستاں دائر
اسلام آباد، لاہور ۔ تریھ اپوزیشن جماعتاں پاکستان مسلم لیگ ن ، جمعیت علمائے اسلام ، فضل الرحمن جے یو آئی ف تے جماعت اسلامی جے آئی نے جیو ٹی وی تے حکومتی کریک ڈاون تے جنگ گروپ دے ایڈیٹر انچیف میر شکیل الرحمن دی گرفتاری دیخلاف اسلام آباد ھائی کورٹ ءچ مسترکہ درخواست دائر کر ݙیتی۔
عدالت عالیہ دائر درخواست ءچ سابق وزیر اعظم شاھد خاقان عباسی ، مسلم لیگ ن دے احسن اقبال تے جے یو آئی ، جماعت اسلامی دے کجھ اراکین اسمبلی نے دستخط کیتے ۔ اخباری رپورٹ دے مبطابق اسلام آباد ھائی کورٹ نے درخواست کوں سماعت کیتے منظور کر گھیدا ھِ جئیں تے بدھ دے ݙینھ سنڑوائی تھیسی۔ بیرسٹر ظفر اللہ خان دے ذریعے دائر درخواست ءچ قومی احتساب بیورو نیب دے چیئرمین ، وزارت اطلاعات و نشریات دے سیکریٹرے تے پاکستان الیکٹرانک میڈیا ریگولیٹری اتھارٹی پیمرا دے چیئرمین کوں فریق بنڑایا گئیا ھِ ، درخواست ءچ الزام عائڈ کیتا گئیا کہ چیئرمین نیب نے میر شکیل الرحمن دی گرفتاری دا حکم ݙے تے نیب آرڈیننس ١٩٩٩ ءچ تفویض کردہ اختیارات دا غلط استعمال کیتا ھِ تے اے گرفتاری آئین ءچ ݙیتی گئی بنیادی حقوق دی ضمانت تے اعلی عدلیہ دے متعینہ قوانین دی خلاف ورزی ھِ درخواست ٨ مارچ کوں اسلام آباد ھائی کورٹ دے ݙیتے گئے فیصلے دا حوالہ ݙیتا گئیا ھاں جیندے ءچ عدالت نے ملزم دی حراست کیتے نیب کیتے حدود و قیود رکھ ݙیتی ھائی۔
