پرویز الہی نے تبلیغی جماعت توں معافی منگ گھیدی

پرویز الہی نے تبلیغی جماعت توں معافی منگ گھیدی

لاہور ۔ سپیکر پنجاب اسمبلی پرویز الہی نے تبلیغی جماعت دے ارکان دے نال پولیس دے رویے تے معذرت کیتی ھِ تے آکھیا ھِ کہ جئیں وی اے ظلم کیتا ھِ ایکوں انصاف دے کٹہرے ءچ گھن آیا ویسی تے سزا ݙیتی ویسی ۔

اپنڑیں ایک ویڈیو پیغام ءچ پرویز الہی دا آکھݨ ھا کہ تبلیغی جماعت انتہائی پر امن جماعت ھِ اے پر امن ضرور ھِ لیکن لا وارث کینی امن دے داعی تبلیغیاں دے نال ظلم و زیادتی قابل مذمت ھِ ۔ کیا کورونا اٹلی ، امریکا، سارے یورپ ءچ انہاں دی وجہہ توں پھیلے؟ عقل دے اندھیاں کوں سمجھنراں چاھیدا ھِ

انہاں آکھیا کہ پولیس نے باہروں آئے ہووے بندیاں کوں ماراھِ جنہاں اے زیادتی کیتی ھِ اگر انہاں دے کہیں اپنڑیں بزرگ کوں کورونا تھئی ونجے تاں کیا ایندے نال وی ایہا سلوک کریسو، پنجاب دے وزیر اعلی نے تبیلیغی جماعت دے حوالے نال گالھ ضرور کیتی لیکن ایں تے عملدرآمد نی تھئیا ، سندھ دے اندر عمل تھیا ھِ

سپیکر پنجاب اسمبلی نے مطالبہ کیتا ھِ کہ تبیلغ کرݨ کیتے آوݨ والے لوگاں کوں رائیونڈ بھیجا ونجے تے اوتھاں انہاں کوں سہولت مہیا کیتی ونجے، تبلیغ والیاں توں معوافی منگڑی چاھیدی ھِ تبیلیغی جماعت دے لوگاں جو زیادتی تھئی میں ایں تے معذرت کرینداں جنہاں زیادتی کیتی انہاں کوں وی سزا ݙیتی ویسی ۔ چوہدری پرویز الہی دا آکھݨ ھا جو لوگ تبلیغی جماعت دے خلاف پراپیگنڈا کریندے پئن او خدا دا خوف کرم ، ھک مخصوص طبقہ ایں پراپیگنڈے ءچ مصروف ھِ تے کوڑ دا سہارا گھندا پئیا ھِ انہاں کوں اپنڑاں پراپیگنڈا بند کرنا چاھیدا ھِ