کہیں طبقے کوں وباء دے رحم و کرم تے نی چھوڑ سکدے، آرمی چیف دی وضاحت
کہیں طبقے کوں وباء دے رحم و کرم تے نی چھوڑ سکدے، آرمی چیف دی وضاحت
اسلام آباد ۔کہیں طبقے کوں وباء دے رحم و کرم تے نی چھوڑ سکدے، آرمی چیف دی وضاحت ، آرمی چیف جنرل قمر جاوید باجوہ دا آکھݨ ھا کہ کہیں وی طبقے کوں وباء دے رحم و کرم تے نی چھوڑ سکدے عوام دی حفاظت کیتے تمام ضروری اقدامات کیتے ویندے پئے ھنن۔
آئی ایس پی آر دے مطابق آرمی چیف جنرل قمر جاوید باجوہ نے نیشنل کمانڈ اینڈ آپریشن سینٹر دی خصوصی بریفنگ ءچ شرکت کیتی ۔ اجلاس ءچ اظہار خیال کریندے ہوون انہا آکھیا کہ قوم دی اجتماعی کوششاں نال تمام مسائل کوں خطرہ بنڑݨ توں پہلے حل کر گھینسوں، عوام دی حفاظت کیتے تمام ضروری اقدامات کیتے ویندے پئے ھن کہیں وی طبقے کوں وبا دے رحم و کرم تے نی چھوڑ سکدے۔
انہاں آکھیا کہ اساں کوں رنگ و نسل دی تفریق کیتے بغیر ھک قوم دے وانگوں مقابلہ کرنا ہوسی ، منصوبے دے تحت تمام اقدامات دے عمل درآمد نال معاشرے دی بہتری کیتے کم کرسکدے ھیسے۔
ایں موقعے تے آرمی چیف نے آکھیا کہ فوجی دستے شہریاں کوں وباء توں بچاوݨ دے نال نال مشکلات دے شکار عوام کیتے آسانیاں پیدا کریسن، قومی اجتماعی کوششاں نال تمام مسائل کوں خطرہ بنڑݨ توں پہل حض کر گھینسوں، پاک فوج عوام دی مدد تے سہولت کیتے کوئی کسر باقی نا رکھسی ۔
جنرل قمر جاوید باجوہ نے آکھیا کہ رنگ و نسل تے مذیب دے فرق توں بغیر اساں سبھ کوں مل تے حالات دا مقابلہ کرنا ہوسی ، موجودہ صورتحال مشکل ضرور ھِ تاہم بحیثیت قوم ماضی ءچ وی مشکل حالات دا سامنڑاں کر چکے ھیں این چیلنج دی نوعیت ماضی دے مقابلیاں توں مختلف ھِ آرمی چیف دا آکھݨ ھا کہ فوج سرحداں دی حفاظت دے نال نال کورونا وائرس وباء دے مقابلے کیتے قوم دے شانہ بشانہ کھڑی ھِ
