پاکستان ریلوے دا ١٠ مئی کوں گڈیاں چلاوݨ دا فیصلہ
پاکستان ریلوے نے گڈیاں ١٠ مئی توں دوبارہ بحال کرݨ دا فیصلہ کر گھیدا ۔ ٹرین آپریشن دی بحالی توں پہل وزیر اعظم عمران خان توں حتمی منظورہ گھیدی ویسی ۔ وزارت ریلوے نے ٹرین آپریشن دی تیاریاں مکمل کر تے ریلوے انتظامیہ کوں ھدایت جاری کر ݙیتی ھِ ۔ ریلوے پہلے مرحضے ءچ چاراں صوبیاں ءچ ٢٤ گڈیاں خصوصی انتظامات دے نال چلیسی تے اے انتظامات ٨ مئی تک مکمل کر گھیدے ویسن۔
ٹرین آپریشن شروع تھیوݨ دے بعد مسافر ٹکٹ صرف آن لائن بکنگ دے ذریعے ھی حاصل کریسن، ٹرین دی سٹھ فیصد سیٹاں بک تھیوݨ دے بعد بکنگ روک ݙیتی ویسی جبکہ سماجی فاصلہ پالیسی تے سختی نال عمل کیتا ویسی ۔
ٹرین چلݨ دی صورت ءچ مسافراں کوں ٹرین دی روانگی توں ھک گھنٹہ پہل اسٹیشن تے پھجنڑاں ہوسی، اسٹیشن توں ݙو سو میٹر تک دے ایریا ءچ غیر ضروری بندیاں دے داخلے تے پابندی ہوسی مسافراں دے کول اپنڑیں ماسک ، گلوز ، سینیٹائزر تے صابݨ ہوون ضروری ھوسی۔
تمام مسافراں کوں سینیٹائزر واک تھرو گیٹ توں لنگھایا ویسی جیندے ءچ ایں تے اسٹیشن ءچ داخض تھیوݨ توں پہلے سینیٹائزر سپرے کیتا ویسی ، خصوصی ٹریناں چلݨ دی صورت ءچ ھک مسافر دے فاصلے تے بہاون گڈی عملے کوں خصوصی کٹاں مل گئیاں ھن ۔ وزیر ریلوے نے گڈی آپریشن دے دوران ایس او پیز تے عملدرآمد لازمی قرار ݙیتا ھِ کوتاہی دی صورتحال ءچ ریلوے قانون دے مطابق کارروائی تھیسی ۔ واضح رھاوے کہ مارچ ءچ تیزی نال کورونا وائرس دے کیس کنڈھݨ دے بعد وزارت ریلوے نے پہلے کجھ مسافر گڈیاں معطل کرݨ دا اعلان کیتا ھا ۔ بعد از ٢٤ مارچ کوں مسافر گڈین آپریشن مکمل معطل کر ݙیتا گئیا ھا جیندے ءچ ھݨ تک کئی واری توسیع تھئٰ چکی ھِ ۔ تریھ مارچ کوں پاکستان ریلوے نے تمام بزنس کلاس تے ایئر کنڈیشنڈ سلیپر کوچاں کوں کورونا وائڑس دے مریضان دے علاج کیتے موبائل ائسولیشن وارڈ ءچ تبدیل کر ݙیتا ھا ۔ خیال رھاوے کہ دنیا بھر توں ١٧٥ ملکاں توں ودھ کھینڈن والی عالمی وبا کورونا وائڑس پاروں جیتھاں ھݨ تک پینتری لکھ توں ودھ لوگ متاثر تے ڈھائی لکھ مر چکے ھن اے وائرس پاکستان ءچ وی ہر مہینے سینکڑاں لوگاں کوں متاثر کرݨ تے کجھ دی اموات دا سبب بنڑے۔
