کورونا ٹیسٹنگ دی تعداد ودھاونڑ،ٹڈی دل کوں مُکاونڑ اتے متاثرہ کساناں سانگے پاکستان نال تعاون کرنڑ چاہندوں، چیئرمین این ڈی ایم اے
کورونا ٹیسٹنگ دی تعداد ودھاونڑ،ٹڈی دل کوں مُکاونڑ اتے متاثرہ کساناں سانگے پاکستان نال تعاون کرنڑ چاہندوں، جاپان دے سفیر متسودا کونینوری دی چیئرمین این ڈی ایم اے لیفٹیننٹ جنرل محمد افضل نال ملاقات اچ گالھ مہاڑ
اسلام آباد ۔ نیشنل ڈیزاسٹر مینجمنٹ اتھارٹی دے چیئرمین لیفٹیننٹ جنرل محمد افضل نال پاکستان اچ جاپان دے سفیر متسودا کونینوری ملاقات کیتی۔ایں موقع تے جاپانی سفیر آکھیا جو پاکستان ہکے ویلھے کورونا اتے ٹڈی دل دے مسئلیاں دا شکار اے۔انہاں پاکستان اچ کورونا دے کیسز ودھنڑ تے تشویش کریندیں ہوئیں آکھیا جو کورونا ٹیسٹنگ دی تعداد ودھاونڑ بارے تعاون کرنڑ چاہندے۔انہاں آکھیا جو پاکستان ہک زرعی ملک اے،جاپان پاکستان اچ ٹڈی دل کوں مُکاونڑ سانگے دوئیں اتے مشینری ڈیسی اتے ٹڈی دل توں متاثر تھیے کساناں کوں مالی امداد وی ڈتی ویسی۔ چیئرمین این ڈی ایم اے ایں موقع تے آکھیا جو اوکھے ویلھے پاکستان نال تعاون تے جاپانی حکومت دا شکریہ ادا کریندوں۔
اے پی پی
