ن لیگ دے دور ءچ پی آئی اے دا خسارہ 500ارب ھا، مراد سعید

اسلام آباد۔ وفاقی وزیر مواصلات مراد سعید دا آکھݨ ھا کہ ن لیگ دے دور ءچ پی آئی اے دا خسارہ ٥٠٠ روپے ھا ، ن لیگ دے ھک وڈیرے کوں ٥٠ لکھ روپے دی تنخواہ تے پی آئی اے دا چیئرمین تعینات کیتا ، انہاں دے دور ءچ ھک جہاز گم تھئی گئیا ھا ۔

قومی اسمبلی دے اجلاس ءچ اظہار خیال کریندے ہووے انہاں آکھیا کہ دلیل ھِ نا کول حوالہ انہاں دے ، عجیب لوگ ھن ول وی اختلاف رکھیندے ھن ٩٠ دی دھائی ءچ پاکستان اسٹیل ملز دا زوال شروع تھئیا ھا ، زرداری پاکستان دے تمام اداریاں تے بھارا تھئیا ھا ، پیپلز پارٹی دے دور ءچ اسٹیل ملز مزید خسارے ءچ گئی

ن لیگ دے دوران ھی پاکستان اسٹیل مل دا اے خسارہ مزید ودھ ودھا ، ن لیگ دا آکھݨ ھا کہ پاکستان اسٹیل مل دی نجکاری کرو ، ن لیگ نے نا نجکاری کیتی نہ خسارہ گھٹ کیتا، ن لیگ نے اسٹیل مل کوں نجکاری ءچ شامل کیتا ھا ، وفاقی وزیر دا آکھݨ ھا کہ ن لی گنے ٤١ اداریاں دی نجکاری کیتے شارٹ لسٹ کیتا ھا، میکوں نی معلوم اے لوگ اداریاں دے نقصان دا ذمہ داری کیں کوں آکھیندن۔مراد سعید دا آکھݨ ھا کہ انہاں دے دور ءچ پی آئی اے دا خسارہ پنجھ سو ارب روپے ھا ، ن لیگ دے ھک وڈیرے کوں ٥٠ لکھ دی تنخواہ تے پی آئے اے دا چیئرمین لایا گئیا انہاں دے دور ءچ جہاز لا پتہ تھیا ۔

انہاں آکھیا کہ پی آئے اے دا خسارہ گزریل حکومتاں دے چور ءچ تھئیا پاکستان پوسٹ دا خسارہ کیندے دور ءچ تھئیا ؟ اے سبھ جانڑدے ھن، ملک دے تمام اداریاں دا بیڑا کیں غرق کیتا ، اساں تاں اج حکومت ءچ آئے ھیں ماضی دے کارنامیاں دا اساں توں پچھ تے تساں قوم کوں بے وقوف نی بنڑاں سکدے۔ انہاں آکھیا کہ میں پاکستان پوسٹ کوں اپنڑیں پیراں تے کھڑا کیتے ، اساں پہلے سال پاکستان پوسٹ دا ریونیو ٧٠ فیصد ودھایا۔