وزیراعلیٰ پنجاب دا سرکاری دفتراں اچ ماسک پاوݨ تے سختی نال عملدر آمد کراوݨ دا حکم

لاہور۔ وزیراعلیٰ پنجاب سردار عثمان بزدار دا سرکاری دفتراں اچ ماسک پاونڑ پاوݨ دی پابندی تے سختی نال عمل درآمد کراوݨ دا حکم ۔ذرائع موجب انہاں سرکاری دفتر دے عہدیداراں کوں ہدایت ڈیندے ہوئیں آکھیے جو ماسک دے بغیر کہیں کوں وی سرکاری دفتر اچ داخل تھیونڑ دی اجازت نہ ڈتی ونجے ۔وزیراعلی پنجاب آکھیے جوماسک پاونڑ دی پابندی توں کوئی وی بندہ مستثنیٰ کائناں ہوسی۔انہاں آکھیے جو سرکاری دفتراں اچ کم کیتے آونڑ آلے شہریاں کوں وی ماسک لازمی پاونڑاں پوسی ، ماسک پاونڑ دی پابندی دی خلاف ورزی برداشت کائناں کیتی ویسی ،ماسک پاونڑ تے ولا ولا ہتھ دھونڑ دی عادت کورونا توں محفوظ رکھیسی ۔ انہاں آکھیے جو کورونا دے پھیلاﺅ گھٹ کرنڑ کیتے احتیاط بہوں ضروری اے ،احتیاط کرنڑ اچ ہی سلامتی اتے تحفظ اے۔