حکومت ڊا معذور لوگاں کیتے وݙا پیکیج دا اعلان کر ݙیتا
اسلام آباد ۔ مشیر خزانہ حفیظ شیخ دی زیر صدارت اقتصادی رابطہ کمیٹی ای سی سی اجلاس ءچ معذور لوگاں دی اسکیم دے تحت کسٹمز ڈیوٹی فری گڈیاں درآمد کرݨ دی منظوری ݙے ݙیتی گئی ۔ جاری اعلامیہ دے مطابق گڈی درآمد کرݨ کیتے معذور بندیاں دی آمدن دی حد ھک توں ٢ لکھ روپے ماہانہ کر ݙیتی گئی ھِ
اعلامیہ دے مطابق ای سی سی نے پاکستان سنگل ونڈو کمپنی دے قیام تے ڈائریکٹرز دی منظوری ݙے ݙیتی ۔ نیشنل کمانڈ اینڈ کنٹرل سینٹر این سی او سی کیتے ٢١ کروڑ ٩٦ لکھ ٣١ ھزار دی تکنیکی سپلیمنٹری گرانٹ منظور کرا ݙیتی گئی ۔ ای سی سی نے وزارت ریلوے دے اخراجات کیتے ٦ ارب روپے دی اضافہ گرانٹ دی منظوری ݙے ݙیتی ، پنجاھ کروڑ روپے ماہانہ دی رقم تنخواہواں ، پنشن تے ݙوجہی ضروری اخراجات تے خرچ تھیسی۔
جاری اعلامیہ دے مطابق دینی مدرسیاں کیتے ٩ کروڑ ٦١ لکھ روپ ےدی سپلیمنٹری گرانٹاں دی منظوری ݙیتی گئی ھِ سب کیتے ھنر پروگرام پاروں وی ١٦ کروڑ روپے دی سپلیمنٹری گرانٹ دی منظوری ݙیتی گئی ھِ ، خیال رھاوے کہ گزریل ہفتے پاکستان اسٹاک ایکسچینج دے دورے دے موقع تے مشیر خزانہ عبدالحفیظ شیخ دا آکھݨ ھا کہ حکومت دی کوشش ھِ ملک ءچ قانون دی بالادستی ہووے تے بدعنوانی دا خاتمہ تھیووے۔ ا
انہاں دا آکھݨ ھا کہ پاکستان تے ساری دنیا دی نظراں ھن تے اساں کوں معاشی مشکلات دا سامنڑاں ھِ لیکن اساں ول وی اگئی تے ودھنڑیں تاہم پاکستان اسٹاک مارکیٹ دی کارکردگی بہترین ھِ انہاں آکھیا ھا کہ حکومت دی کوشش ھِ قانون دے بالادستی قائم رھاوے تے کرپشن دا خاتمہ تھیووے ، برآمدات اساݙے کیتے ھک وݙا چلینک ھِ تے ماضی ءچ ایکسپورٹ سیکٹر تے کوئی کم نی تھئیا تاہم اساݙی کوشش ھِ برآمدات ءچ مزید اضافہ تھیووے۔
عبدالحفیظ شیخ نے آکھیا ھا کہ ملک ءچ سیمنٹ دی کھپت ءچ ٣٠ فیصد اضافہ تھیا ھِ جبکہ ٹریکٹر ٤ فیصد تے موٹر سائیل ءچ ٢٥ فیصد اضافہ ڈیٹھا گئیا ھِ ڈالر ائزیشن کوں صحیح جاء تے گھن آوݨ کیتے تنقید برداشت کرنا پئی ۔ انہاں آکھیا کہ ایف بی آر دے ٹارگٹ وی بہتر تھئے ھن ھن ایتھاں لوگ سرمایہ لاون تاں حالات بہت رتھیسن۔ ایں ویلے اسٹاک ایکسچینج دنیا دی چوتھی تے ایشیاء دی پہلی بہتر مارکیٹ ھِ مشیر خزانہ دا آکھݨ ھا کہ احساس پروگرام نال ١٠ کروڑ بندیاں کوں بلا امتیاز رقم ݙیتی گئی تے آئندہ ہفتے احساس پروگرام دی ھک بئی قسط جاری کر ݙیتی ویسی۔
