لاہور (اے پی پی)ووزیراعلیٰ پنجاب شعبہ صحت دے 3 نویں منصوبیاں دا سنگ بنیاد رکھ ݙتے، انہاں سروسز ہسپتال لہور دے نویں ایمرجنسی ٹاور و ٹراما سنٹر دا وی منݙھ ٻدھیے۔ وزیراعلیٰ عثمان بزدار آکھیا جو سروسز ہسپتال دے نویں ایمرجنسی ٹاور و ٹراما سنٹر ٻݨݨ تے تقریباً 5 ارب روپے خرچ آسی، نویں ایمرجنسی بلاک اتے ٹراما سنٹر ٻݨݨ نال 800 بستراں دا ودھارا تھیسی اتے ایندے اچ سٹیٹ آف دی آرٹ طبی سہولتاں ݙیسوں، اے منصوبے لاہور دی ودھدی آبادی پاروں ٻݨائے ڳین۔ وزیراعلیٰ عثمان بزدار حضرت حمید الدین حاکم سرجیکل کمپلیکس شیخ زید میڈیکل کالج / ہسپتال دا وی سنگ بنیاد رکھیے جیڑھا 7.6 ایکڑ اراضی تے ٻݨسی۔ وزیراعلیٰ عثمان بزدار ظاہر پیر، رحیم یار خان اچ ہب اینڈسپوک ماڈل دے تحت پائلٹ پراجیکٹ دا وی منڈھ ٻڈھیے جتھاں ہک میڈیکل سینٹر ٻݨسی۔
- Advertisment -
