امریکی فوج افغانستان ءچ قانون نافذ کرم والا ادارہ کینی، ٹرمپ
واشنگٹن ۔ امریکی صدر ڈونلٹ ٹرم نے اپنڑیں مدت صدارت دے چھیکڑ ءچ اسٹیٹ آف یونین خطاب کوں افغانستان نال امریکی فوج دے انخلاء دے عزم دا اعادہ کرݨ کیتے استعمال کیتا تے اپنڑی عوام کوں آکھیا کہ انہاں دی فوج ݙوجہیاں کیتے قانون نافذ کرݨ والا ادارہ کینی۔ ھک رپورٹ دے مچابق انڑیں خطاب ءچ بہوں تھوڑا حصہ خارجہ پالیسی کیتے مختص کریندے ہووے امریکی صدر نے پچھلے مہینے عراق ءچ ایرانی جنرل قاسم سلیمانی دی ھلاکت دا کریڈٹ گھیدا لیکن امن کیتے اپنڑیں عزم دا وہ اظہار کیتا ، ڈونلڈ ٹرمپ دا آکھݨ ھا کہ اساں مشرقی وسطی ءچ امریکی جنگ دا اختتام کریندے ہووے امریکیاں دی زندگیاں دا دفاع کریندے پئے ھیں اساں امریکا دی سب توں لمبی جنگ افغان جنگ دے خاتمے تے اپنڑیں فوجیاں کوں واپس گھن آوݨ کیتے کم کریندے پئے ھیں ۔
