اسلام آباد (اے پی پی)وفاقی وزیر اطلاعات و نشریات مریم اورنگزیب آکھیے جو عوام قومی معیشت تباہ کرݨ آلے مجرماں کوں سنڄاݨدی اے، معاشی تباہی دے ذمہ دار عمران اتے عمران دار ہین۔ ہک ٹویٹ اچ انہاں پی ٹی آئی حکومت دے چار سالاں اچ ملکی معیشت دی تباہی دے اعداد و شمار ونݙین جو 2013 توں 2018 تئیں پاکستان مسلم لیگ (ن) دے دور حکومت اچ فیڈرل بورڈ آف ریونیو 3843.8 ارب روپے دی محصولات کٹھیاں کیتن ڄݙاں جو پاکستان تحریک انصاف دور اچ 2018 توں 2022 تئیں 3828.5 ارب روپے دی محصولات کٹھیاں تھین۔ مسلم لیگ (ن) دور حکومت اچ مالیاتی خسارہ 4.1 فیصد ھا جیڑھا پی ٹی آئی دے چار سالاں اچ ودھ تے 7.9 فیصد تئیں پڄیے، ن لیگ دے دور اچ پاکستان دی جی ڈی پی دا حجم 356.8 ارب ڈالر ہا جیڑھا پی ٹی آئی دور اچ ڳھٹ تے 300.8 ارب ڈالر رہ گیا ہا۔