ریاست دیخلاف بغاوت کرݨ والیاں کوں سیاست دا حق ملسی نا معافی، رانا ثناء
وفاقی وزیر داخلہ تے پاکستان مسلم لیگ ن پنجاب دے صدر رانا ثناء اللہ نے آکھیا کہ پی ٹی آئی نے منظم منصوبہ بندی دے تھت ٩ مئی کوں ریاست دی رٹ کوں چلینج کریندے ہووے سرکشی تے بغاوت کیتی ، ریاست دے خلاف سرکشی تے بغاوت کرݨ والیاں کوں کہیں صورت اچ معافی نا ملسی تے نا انہاں کوں سیاست کرݨ دا حق ہوسی.
فیصل آبد اچ نادرا تے پاسپورٹ آفس دی افتتاحی تقریب نال خطاب کریندے ہووے انہاں چیئرمین پی ٹی آئی تے تنقید کریندے ہووے آکھیا کہ الیکشن تے ھر حال اچ تھیسن لیکن فتنہ ملک دی سیاست توں مائنس ہوسی۔ انہاں آکھیا کہ جنہاں دفاعی تنصیبات تے حملے کیتے ۔ جناح ھاوس تے کور کمانڈر دی رھائش گاہ اچ داخل تھئی تے توڑ پھوڑ دے بعد عمارت کوں بھا لا ڈیتی ، حساس اداریاں و دفاعی تنصیبات کوں نشانہ بنڑایا ، جلاو گھیرا کیتا ، بلوائیوں دی قیادت کیتی ۔
شہدا دے مجسماں دی بے حرمتی کیتی، انہاں کوں توڑا پھوڑا ، انہاں تے جتیاں تے ڈنڈے وسائے ، انڈیا تے مودی کوں راضی کیتا کہ انہاں دی آڈیوز ویڈیوز و جیو فینسنگ سمیت دیگر ثبوت موجود ھن۔ انہاں دا آکھݨ ھا کہ او شر پسند چاہے زمین دی ستویں تہہ اچ لُک ونجن ضمانت کروا گھنن یا کورٹ توں ریلیف گھن گھنن ، ریاست دے خلاف بغاوت تے سرکشی کرݨ والے انہاں دہشت گرداں تے شر پسنداں کوں کہیں صورت نا چھوڑا ویسی تے نا انہاں کوں کوئی معافی ملسی۔
