سو ڈینھ تک بیٹری چلاوݨ والا فون آ گئیا
سو ڈینھ تک بیٹری چلاوݨ والا فون آ گئیا
امریکی بیٹری ساز کمپنی انر جائزر دا ھک قدم اگئی تے ودھیندے ہووے طاقتور ترین بیٹری دے حامل فون کوں متعارف کر وا ڈیتا گئیا، جیندی بیٹری سو ڈینھ تک چلسی۔
ٹیکنالوجی ویب سائٹ دے مطابق انرجائزر نے ورلڈ موبائل کانفرنس اچ اینڈرائیڈ فون متعارف کرویندے ہووے ڈسایا کہ طاقتور ترین بیٹری دا حامل فون رواں سال دی چھیکڑ اچ عام فروخت پاروں یش کیتا ویسی۔
مذکورہ کمپنی دراصل بیٹریز اینڈ پاور بینک بنڑیندی ھِ ھݨ ایںکمپنی نے 28 ہزار ایم اے ایچ دے پاور بینک کوں اسمارٹ فون اچ تبدیل کر ڈیتا تے کمپنی ڈسایا کہ او ھارڈ کیس پی ٢٨ دے نامی فون متعارف کرویسی۔
مذکورہ فون کوں ٦ ، ٨٧ انچ اسکرین ، ٨ جی بی ریم تے ٢٥٦ جی بی میموری دے نال پیش کیتا ویسی۔
فون دے بیک تے تریھ کیمرے ڈیتے ویسن، جیندے اچوں مین کیمرا 64 میگا پکسل، ڈوجہا 20 اور تریجھا 2 میگا پکسل ہوسی۔
ایں طرح ہارڈ کیس پی 28 کے اچ 16 میگا پکسل سیلفی کیمرا وی ڈیتا ویسی، نال ہی کمپنی دعویٰ کیتا کہ فرنٹ کیمرے کوں خصوصی طور تے ویڈیو کالز دے دوران بہتر کوالٹی دی ٹیکنالوجی توں اپگریڈ کیتا گئیا ھِ۔
فون اچ فنگر پرنٹ سینسر سمیت دیگر سیکیورٹی فیچرز وی ڈیتے ویسن ایندے اچ اینڈرائیڈ دے آپریٹنگ سسٹم اچ پیش کیتا ویسی۔
دلچسپ گالھ اے ھِ کہ ایں فون دا وزن وی عام فونز دے مقابلے چار گنا زیادہ یعنی نصف کلو توں ودھ ہوسی۔
کمپنی دے مطابق ہارڈ کیس پی 28 کے اچ 28 ہزار ایم اے ایچ دی بیٹری کوں 36 واٹ دے چارجر دے نال پیش کیتا ویسی تے فون دی بیٹری محض ڈیڑھ گھنٹے میں 100 فیصد فل چار تھئی ویسی۔
کمپنی دے مطابق اگر مذکورہ فون دا استعمال گھٹ رکھا ونجے تاں ایندی بیٹری 94 دن تک چلائی ونج سکدی ھِ تے فون توں مسلسل 24 گھنٹے تک فون کالز بھی کیتی ونجے تں ول وی ایندی بیٹری پنجھ ڈینھ تک چلسی۔
کمپنی ڈسایا کہ فون کوں اکتوبر 2024 تک فروخت اچ پیش کیتا ویسی تے ایندی ابتدائی پاکستان اچ قیمت ٧٤ ھزار دے لگ بھگ ہوسی۔
