AEMEND دا پاکستان اچ میڈیا تے ودھدے حکومتی دباو ، غیر اعلانیہ سینسرشپ تے شدید اظہار تشویش

0
141
AEMEND دا پاکستان اچ میڈیا تے ودھدے حکومتی دباو ، غیر اعلانیہ سینسرشپ تے شدید اظہار تشویش

کراچی: ایسوسی ایشن آف الیکٹرانک میڈیا ایڈیٹرز اینڈ نیوز ڈائریکٹرز (ایمنڈ) نے پاکستان اچ میڈیا تے ودھدے ہووے دباو ، غیر اعلانیہ سینسرشپ، صحافیاں دی گمشدگی ، حکومت تے اداریاں دی بے جا مداخلت دے پاروں پیدا تھیوݨ والی صورتحال تے شدید تشویش دا اظہار کیتا ھِ

پاکستان میڈیا بالخصوصی ٹیلی ویژن چینل کوں درپیش حالیہ چیلینجاں دا جائزہ گھیندے ہووے ایمنڈ دی ایگزیکٹو کمیٹی دا ہنگامی اجلاس منعقد تھئیا جیندے اچ کمیتی اراکین نے کھل تے ایں موقف دا اظہار کیتا کہ حکومت تے مختلف ریاستی اداریاں دی طرفوں غیر اعلانیہ سینسر شپ لاگو کر ڈیتی گئی ھِ

اجلاس اچ آکھا گئیا کہ عوام کوں حق معلومات توں محروم رکھݨ تے صورتحال دی یک طرفہ عکاسی کرݨ دے دباو ڈیتا ویندا پیا ھِ ایں حالات اچ آزادانہ ، غیر جانبدارانہ صحافت تے عام کوں اصل حقائق توں آگاہ کرݨ مشکل بنڑاں ڈیتا گئیا ھِ۔

ایمنڈ آکھیا کہ صحافیاں کوں نہ سیاسی آلہ کار بنڑایا ونجے تے اپنڑیں عمل توں خود کوں سیاسی کارکن ثابت کرنا چاھیدا ھِ بعض صحافیاں ، اینکر پرسن تے میڈیا ورکراں دے بیانات سرگرمیاں تے سوشل میڈیا تے انہاں دے کم کوں کہیں صورت صحافت قرار نی ڈیتا ونج سکدا لیکن ملک دا کوئی وی شہری چاھے او سیاسی کارکن ہووے ، صحافی ہووے یا ایندی جبری گمشدگی دی نہ حمایت کیتی ونج سکدی ھِ نہ ایں تے خاموش رھیا ونج سکدے۔

عمران ریاض خان سمیت تمام بندے اگر کہیں جرم دے مرتکب تھئے ھن تاں انہاں دے خلاف قانونی کارروائی کیتی ویسی انہاں کوں اپنڑیں دفاع دا مکمل قانونی حق حاصل ہوونڑاں چاھیدا ھِ لیکن انہاں اپنڑیں دفاع دا مکمل قانونی حق حاصل ہووے۔ اے گالھ قابل حیریت ھِ کہ انہاں بندیاں کوں سرعام اغوا کیتا ویندا ھ ملک دے تمام ادارے بری گمشدگی توں لا علمی دا اظہار کریندے ھن ۔ لہذا وزیر اعظم پاکستان انہاں بندیاں دی گمشدگی دا نوٹس گھنن تے انہاں کوں فوری بزیاب کرواون۔

ایمنڈ دا آکھݨ ھا جئیں طرح کل دی حکومت اج دی اپوزیشن ھِ ایں طرح اج دی حکومت کل اپوزیشن وی تھئی سکدی ھِ ۔ تحریک انصاف دی حوکمت اچ وی اظہار رائے دی آزادی سلب کرݨ پاروں ایں قسم دے ہتھکنڈے استعمال کیتے گئے۔ پی ایم ڈی اے ، پیکا تے دیگر سیاہ قوانین لاگو کرݨ دی کوشش کیتی گئی تاں ایمنڈ نے دیگر سحافتی تنظیماں دے نال مل تے ایندے خلاف عملی جدوجہد کیتی۔

ایں جدوجہد اچ اج دی حوکمت اچ شامل جماعتاں بالخصوص پیپلز پارٹی ، مسلم لیگ ن، ایم کیو ایم ، جے یو آئی تے دیگر نے صحافتی تنظیماں دے موقف دی بھر پور حمایت کیتی تے ایں عزم دا اظہار کیتا کہ او حکومت اچ آ تے انہاں تمام سیاہ قوانین کوں نہ صرف ختم کریسن بلکہ آزادی صحافت کوں یقین بنڑوݨ دے عملی اقدامات کریسن لہذا ایمنڈ انہاں کوں یاد ڈیووندی ھِ کہ او اپنڑیں وعدیاں کوں پورا کرن۔

ایمنڈ دی ایگزیکٹو کمیٹی دے اجلاس اچ ایں عزم دا اظہار کیتا گئیا کہ تمام تر جبر ، نا مساعد حالات تے دباو دے باوجود نہ صرف اے کہ خاموش نا رھیا ویسی۔ بلکہ عملی جدوجہد دے طور تے رابطتیاں تے مشاورت دا سلسلہ شروع کیتا ویسی جیندی منظوری کمیٹی نے باضابطہ طور تے ڈیتی گئی۔

LEAVE A REPLY

Please enter your comment!
Please enter your name here