لاہور : قومی اسمبلی دی قائمہ کمیٹی برائے استحقاق دا اجلاس، پنجاب اچ کچے دے ڈاکوواں دے کول امریکی اسلحہ ھِ تے بھارت دی طرفوں ٹریننگ ڈیووݨ دا انکشاف، پنجاب دے کچے دے علاقے اچ آپریشن توں متعلق پولیس حکام نے بریفنگ ڈیتی کہ ایں سل ٩ اپریل کوں آپریشن شروع کیتا گئیا ھا۔ ڈاکوواں دے قبضے توں ٥٨ ھزار ایکڑ توں ودھزمین خالی کروا گھیدی گئی ھِ
اجلاس اچ چیئرمین میٹی قاسم نون نے سوال یتا کہ کیا ڈاکوواں کوں او اسلحہ ھ جو امریکی ایتھاں چھوڑ ت گئے ھن۔ جئیں تے پولیس حکم ڈسایا کہ پنجاب پولسی دے کول وی اہو اسلحہ کینی جو ڈاکوواں دے کول ھا، ڈاکووں دے کول زیادہ تے جدید اسلحہ ھِ
پولیس ڈسایا کہ ڈاکو ڈو، ڈو کلو میٹر دے فاصلے توں اساڈے جواناں کوں نشانہ بنڑیندے ھن ، اساکوں اے پتہ نی چلدا کہ ڈاکو کیتھاں بیہہ تے اساں کوں نشانہ بنڑیندے پئے ھن ۔ اے اہو اسلحلہ ھِ جو امریکی چھوڑ گئے ھن تے ول انہاں ڈاکوواں دے ہتھ لگا۔
ڈی پی او راجن پور نے بریفنگ ڈیتی کہ بھارت نے ایں اسلحہ توں متعلق ڈاکوواں کوں ٹرینڈ کیتا ، اساڈے کول او اسلحہ کینی ایں پاروں اساڈی شہادتاں تھیندیاں ھن، جو آرمی دے کول اسلحہ ھِ گھٹ توں گھٹ کچے دی حد تک او اسلحہ پولیس کوں ڈیتا ونجے۔
چیئرمین کمیٹی نے آکھیا کہ افغانستان اچ امریکہ دی طرفوں چھوڑا گئیا اسلحہ ڈاکووں، طالبان تے ملک دشمن عناصر دے ہتھ لگ گئیا ھِ استحقا کمیٹی نے سیکریٹری دفاع تے سیکریٹری داخلہ کوں آئندہ اجلاس اچ طلب کر گھیدا۔
