لاہور : پاکستان تحریک انصاف دے چیئرمین تے سابق وزیر اعظم عمران خان نے الزام عائد کریندے ہووے آکھیا ھِ کہ پی ٹی آئی مذکراتی کمیٹی دے ارکان کوں ایں ویلے تک ونجݨ توں روک ڈیتا گئیا ھِ جئیں ویلے تک مذاکرات پاروں مدعو نی کیتا گئیا ، جئیں ویلے تک او پارٹی توں علیحدگی دا اعلان نی کریندے۔
اپنڑیں ویڈیو لنک دے نال خطاب اچ عمران خان نے قومی احتساب بیورو (نیب) دے چیئرمین دیخلاف ریفرنس دائر کرݨ دا اعلان کریندے ہووے آکھیا کہ انہاں دے خلاف ١٥ ارب روپے ہرجانے کریساں، انہاں دیخلاف مقدمہ وی چلیساں، من گھڑت کرپشن اسکینڈل اچ انہاں دی گرفتاری انہاں دی بین الاقوامی ساکھ کوں داغدار کرݨ دی کوشش کیتی ھِ
انہاں ایں خدشے دا وی اظہار کیتا ایں طرح دے اقدامات نال شوکت خانم میموریل ہسپتال تے نمل یونیورسٹی پاروں فنڈ ریزنگ دی کوشش تے منفی اثر پوندا ھِ ۔ پی ٹی آئی چیئرمین نے دنیا بھر دی انسانی حقوق دی تنظیماں توں اپیل کیتی کہ پی ٹی آئی دے ھزاراں کارکنان دی غیر قانونی حراست دے خلاف آواز بلند کرن۔
انہاں دعوی کیتا کہ مناسب قانونی طریقہ کار تے عمل نی کیتا ونج سکدا تے حراست اچ گھیدے گئے کارکناں کوں عدالت اچ پیش کیتے بغیر انتہائی ناگوار حالات دا نشانہ بنڑایا ویندا پیا ھِ سابق وزیر اعظم نے ٩ مئی کوں تھیوݨ والے واقعات دی آزادانہ تحقیقات پاروں اپنڑیں مطالبے کوں دھرایا جیندے اچ انہاں دی طرفوں ھلاک تھیوݨ والے بندے شامل ھن۔
پاکستان ڈیمو کریٹک موومنٹ (پی ڈی ایم) نال مخاطب کریندے ہووے عمران خان خبردار کیتا کہ گزشتہ ٢٧ سالاں توں اسٹبلیشمنٹ توں واقف ھیں تے انہاں پلان اے توں پلان بی اچ منتقل تھیوݨ اچ زیادہ دیر نی لگدی ۔ انہاں نے سوال کیتا کہ پی ڈی ایم پارٹیاں پی ٹی آئی دے کارکناں تے حامیاں دے خلاف موجودہ ریاستی مظام دے بارے اچ کیوں خاموش ھن انہاں کوں یاد ڈویندے ہیں کہ پی ڈی ایم پارٹی دے رہنماواں دے خلاف ٩٥ فیصد مقدمات پچھلی حکومتاں دے دوران درج کیتے گئے ، پی ٹی آئی دے دور اچ نی کیتے گئے۔
عمران خان نے پر اعتماد انداز اچ آکھیا کہ تحریک کوں درپیش چیلنجاں دی پروا کیتے بغیر او آئندہ انتخابات اچ چیت تے آسن۔ انہاں آکھیا کہ تحریک انصاف دے اقتدار اچ آوݨ دے بعد اپنڑیں تے اپنڑیں خاندان دے خلاف کیتے گئے اقدامات کیتے سبھ کوں معاف کرݨ تے آمادگی ظاہر کیتی۔ تاہم انہاں سوال کیتا کہ جئیں ویلے انہاں دی پارٹی دے رہنما تےکارکن جو اج تکلیف اچ ھن ۔ ایں ویلے اقتدار اچ رھاوݨ والیاں دے خلاف کارروائیاں دا مقابلہ کریندے ہووے او کیا کریسن۔
سابق وزیر اعظم نے انکشاف کیتا کہ انہاں کوں الگ تھلک کر ڈیتا گئیا ھِ ، میڈیا بلیک آوٹ تے ملݨ والیاں تے پابندیان دا سامنڑاں ھِ ۔ ھݨ میڈے وکلاء کوں وی ڈرایا ویندا پیا ھِ ایندے باوجود انہاں سوال کیتا کہ کیا انہاں ہتھکنڈیاں نال لوگ تحریک انصاف کوں بھل ویسن؟ انہاں دعوی کیتا کہ مذاکراتی کمیٹی دے ارکان اسٹبلیشمنٹ دی طرفوں دعوت نامے موصول تیھیندے ھن لیکن انہاں ایں ویلے تک جگہ چھوڑݨ توں روکا ویندا پیا ھِ جئیں ویلے تک او عوامی طور تے خود کوں پارٹی توں الگ نی کر گھیندے ۔ پی ٹی آئی دے چیئرمین نے ملک پاروں انہاں وکں تنہا کرݨ دے فوائد دے بارے اچ تشویش دا اظہار کیتا تے آکھیا کہ ذمہ دار پاکستان دے مستقبل تے غور کریندے پئے ھن ایں طرح دے ہتھکنڈیاں دا ھک معلق پارلیمنٹ بنڑاوݨ ھِ جیکوں اسانی نال کنٹرول کیتا ونج سکے۔
اپنڑیں کارکناں دے ناں پیغام اچ عمران خان نے انہاں تے زور ڈیتا کہ او مشکل ویلے دے باوجود ڈٹے رھاون۔ ایہو جئی شخصیات کوں تاریخ اچ یاد رکھا ویسی جنہاں نے ملک کیتے کھڑے تھئے تے انہاں کیتے قربانیاں ڈیتیاں۔
