سابق وزیر اعظم تے چیئرمین پاکستان تحریک انصاف عمران خان آکھیا کہ پاکستان اچ جمہوریت پست ترین سطح تے ھِ تے عدلیہ ھی واحد آس ھِ
اسکائی نیوز کوں ڈیتے گئے خصوصی انٹرویو اچ عمران خان دا آکھݨ ھا کہ گرفتاری دے ویلے میں کمانڈر وانگ نظر آوݨ والے لوگاں نے اچانک حملہ کریندے ہووے ڈیٹھا ، میکوں لگا کہ اے لوگ سپریم کورٹ دے حکم دے مطابق میکون تحفظ ڈیوݨ پاروں آئے ھن کیونکہ میڈی جان کوں خطرات لاحق ھن لیکن او لوگ میڈے تے حملہ کیتا جیویں میں کوئی دہشت گرد ہوواں ول میکوں پتہ چلا کہ اے لوگ میکوں ھی گرفتار کرݨ آئے ھن۔
انہاں آکھیا کہ اے سب میڈے واسطے حیران کن ھا کیونکہ انہاں لوگوں نے برا تشدد کیتا تے میکوں دہشت گرد وانگ گرفتار کر تے گھن گئے میکوں اوتھاں معلومات تک کوئی رسائی حاصل نا ھائی ایں پاروں میکوں کوئی علم نا تھیا کہ باہر کیا تھیندا پیا ھِ انہاں میکوں اغوا کر گھیدا ھا ، اغوا کیتے ونجے دی اصطلاح استمعال کرݨ تے اینکر دی طرفوں سوال دے جواب اچ عمران خان آکھیا کہ میکوں آرمی اغوا کیتا ھا تے آرمی چیف دی مرضی دے بغیر کجھ نی تھیندا، آرمی چیف ایویں کم کریندے ھِ اے واضح ھِ کہ میڈے اغوا دا حکم آرمی چیف نے ڈیتا ھا۔
سیکیورٹی خدشات دے پیش نظر تحفظ ڈیوݨ پاروں گرفتار کیتے ونجݨ دے موقف تے تبصرہ کریندے ہووے عمران خان آکھیا کہ اے بو وقوفانہ گالھ ھِ پہلے او میدے گھر تے وی حملہ کر چکے ھن او چاھندے ھن کہ میں مجسٹریٹ اسلام آباد دی عدالت اچ پیش تھیواں جیندی میں پہل ھی یقین دھانی کروائی کہ میکوں گرفتار نا کر سکدے ھن ، میں لمانتی بانڈ وی مہیا کیتا لیکن او انہاں قبول کرݨ توں انکار کر ڈیتا تے میڈے گھر تے حملہ کر ڈیتا۔
انہاں آکھیا کہ مخلوط حکومت انتخابات توں ڈر گئی ھِ تے ایں انتخابات اچ انہاں دی پارٹی دے نال اپنڑاں صفایا تھیوݨ دا خدشہ ھِ لہذا انہاں فیصلہ کیتا ھِ کہ ار میں جیل ہوواں یا مارا ونجاں تاں او وی انتخابات دی اجازت ڈیسن ، میڈی پارٹی دی بیشتر قیادت کوں وی انہاں گرفتار کر گھیدا ھا ، دوبارہ گرفتار کیتے ونجے دے امکان دے پاروں سوال دے جواب اچ عمران خان آکھیا کہ میں ذھنی طور تے جیل ونجݨ پاروں تیار ھا ، میں اسام آباد ونج توں پہل وی ایہو آکھا ھم ، لیکن اصل مدعا اے ھِ کہ او کہیں قانون دی خلاف ورزی تے کینی بلکہ انتخابی دوڑ توں باھر کرݨ پاروں گرفتار کرݨ چاھندن
انہاں آکھیا کہ ھݨ میں عوام دے کول ویساں تے بدھ توں عوامی رابطہ مہم شروع رکیساں ، اپنڑیں جدوجہد وی جاری رکھیساں تے اے امید کرینداں کہ عدالت ٣ ہفتیاں دے اندر الیکشن دی کوئی تاریخ ڈے ڈیسی۔
