نمبرپورے تے تیاری وی پوری ھن، جیت اساݙی ہوسی، پرویز الہی

لاہور(اے پی پی)سپیکر پنجاب اسمبلی چودھری پرویز الٰہی آکھیے جو ساݙے نمبر اپوزیشن توں ودھ ہین اتے پوری تیاری اے، جھیڑے فساد تے اجلاس ملتوی کرݨا پئے، ہݨ ولا 6 اپریل کوں الیکشن دا عمل ٹرسی۔ اے ڳالھ انہاں پنجاب اسمبلی دے ٻاہرو میڈیا نال الیندے آکھی۔ وزیراعلیٰ دے نامزد امیدوار چودھری پرویز الٰہی آکھیا جو ایوان اچ سارا شور شرابہ ن لیگ کیتے، ساݙے لوکاں آپݨے لوکاں کوں منائے ڄݙاں او ول آئن تاں اپوزیشن آلیاں حملہ کر ݙتے، ایندے بعد جو کڄھ تھئے او سامݨے اے۔ انہاں آکھیا جو چھی تاریخ کوں الیکشن تھیسی اتے کھیر پاݨی سامݨے آویسی۔ چوہدری پرویز الہیٰ آکھیا جو چودھری محمد سرور نال پراݨا اتے چنڳاں رشتہ اے، انہاں بارے کڄھ نہ آکھساں، تساں ساݙھے 3 سال گورنر شپ انجوائے کیتی ہݨ اینڄھاں ڳالھیں نئیں کرݨیاں چاہیداں، پنجاب اسمبلی تروڑݨ دی کوئی سوچ کائنی۔ چودھری پرویزالٰہی آکھیا جو علیم خان اتے جہانگیر ترین سارے فارغ تھی ڳین، انہاں کوں سمڄھ آڳئی اے جو بھاویں 6 واری الیکشن کرا ڳھنو، اے لوک نئیں آوݨے جیندے نال اے ویندے پئے ہن۔