تحریک انصاف بانی پاکستان دے مزار دا تقدس پامال کرنڑ دے خلاف مذمتی قرارداد اسمبلی سیکرٹریٹ اچ جمع کراڈتی

لاہور (اے پی پی)پاکستان تحریک انصاف مسلم لیگ (ن) دے رہنما کیپٹن(ر) صفدر ولوں بانی پاکستان قائد اعظم دے مزار دا تقدس پامال کرنڑ دے خلاف مذمتی قرارداد پنجاب اسمبلی سیکرٹریٹ اچ جمع کراڈتی۔ رکن اسمبلی مسرت جمشید چیمہ ولوں جمع کرائی گئی قرارداد دے متن اچ آکھیا گئے جو بانی پاکستان قائد اعظم محمد علی جناح دے مزار تے مریم صفدر دے شوہرکیپٹن (ر)صفدر سیاسی نعرے بازی کیتیئ،مزار قائد دے احاطے اچ نعرے بازی دے موقع تے مریم صفدر اتے بئے لوک وی موجود ہن جیرھے جو نعرے بازی دا جواب ڈیندے رہیے ، مسلم لیگ (ن) ولوں سیاسی نعرے بازی کر تے مزار قائد دے تقدس کوں پامال کیتا گیا جیرھا جو قابل مذمت اے۔انہاں سندھ حکومت توں مطالبہ کیتے جو کیپٹن (ر)صفدر اتے بئے ذمے واراں دے خلاف قانونی کارروائی کیتی ونجے ۔