کوئٹہ ۔ بلوچستان ءچ پاک فوج تے دہشت گرداں دے حملے ءچ ھک افسر سمیت ٦ جوان شہید تھئی گئے ۔
پاک فوج دے شعبہ تعلقات عامہ دے مطابق سیکیورٹی فورساں دی گڈی کوں ایں ویلے دیسی ساکتہ آئی ای ڈی نال اوں ویلے نشانہ بنڑایا گئیا جئیں ویلے او معمول دے مطابق گشت توں واپس آندی پئی ھائی۔ پاک فوج دے اے جوان پاک ایران بارڈر تے مکران ءچ دہشت گرداں دے ممکنہ رستیاں دا جائزہ گھینݨ گئے ھن ، انہاں تے حملہ پاک ایران بارڈر توں ١٤ کلو میٹر دور بلیدا دے علاقے ءچ کیتا گئیا جیندے ءچ ھک افسر سمیت ٦ جوان شہید تھئی گئے ۔
آئی ایس پی آر دے مطابق شہید تھیوݨ والیاں ءچ حافظ آباد دے میجر ندیم عباس بھٹی ، میانوالی دے نائیک جمشید، تونسہ شریف دے لانس نائیک تیمور ، اٹک دے لانس نائیک خضر حیات ، مردان دے سپاہی ساجد تے تونسہ شریف دے سپاہی ندیم شامل ھن
