تحریر: ایثار ران
لاہور ۔ سنتا سنگھ کورونا توں ناراض ھِ او ایکوں ھک لا دین وائرس آکھیندا ھِ سنڑن ءچ آیا ھِ کہ ایں لا دین جراثیم نے کعبی توں کلیسا تک سبھ کوں متاثر کیتا ، بنتا سنگھ سمجھتا ھِ کہ کورونا ھک انسان دوست جراثیم ھ جئیں نے سارے انساناں کوں ھک پلیٹ فارم تے کھڑا کر ݙیتا ھِ کیا ھندو کیا مسلمان کیا عیسائی کیا یہودی سبھ کوں کورونا دی خلاف ھک ھی دھائی ݙیندے پئے ھن جبکہ اپنڑا بابا بوٹا مسلسل مندے کھڈیندا پیا ھِ او آکھیدنا ھِ کہ کورونا صرف ڈالر دا یار تے تیل دا دشمن ھِ تے میڈا اے حال ھِ کہ میکوں سمجھ نی آندی کہ کورونا دا رونا کیندے سامنڑیں روواں ، ایندے ءچ کوئی شک کینی کہ کورونا نے سبھ توں زیادہ متاثر میڈا جسم میڈی مرضی والیاں کوں کیتا۔
اج او وی ماسک دی شکل ءچ نقاب گھنݨ تے مجبور ھن لیکن بھیراو تے بھینڑو، اے وی حقیقت ھِ کہ دنیا اج جتنی غیر محفوظ ھِ شاید کڈھی وی نا ھائی جئیں ویلے تک اساں کوں ٹھوکر نہ لگے اساں کوں سمجھ نی آندی ، جئیں ویلے اللہ آکھیندا ھ کہ دنیا ھک کھیڈ تماشا ھِ تاں اساں نی منیندے، کیا دنیا ھک معمولی جراثیم دے سامنڑیں کھیڈ تماشا کینی اساں صفائی نصف ایمان تے یقین نی رکھیندے ھک حقیر جئے جراثیم نے اساں کوں سینی ٹائزر کوݨ چم چم تے ہتھ لاوݨ تے مجبور کر ݙیتا ھِ ایں طرح تاں مرشد دے بال کوں وی نی چومدے جیویں اساں سیٹی ٹائزر کوݨ چمدے پئے ھن اج پوری دنیا لاک ڈاون ھِ
ھلی سٹھ نویں نوی ھِ تتی تتی ھِ دنیا کوں کجھ ݙینھ بعد احساس تھیسی کہ لاگ ڈاون ہوندا کیا ھِ ول شاید انہاں کوں احساس تھیسی کہ دنیا دے ھک خطے ءچ لکھاں کشمیریاں کوں کئی سو ݙینھ توں لاک ڈاون ءچ ھن لیکن دنیا دا ضمیر انہاں بے بساں دا رونڑاں نی تھیا تاں ایں کورونا وی نی اٹھا سکدا ، دیہات ءچ سیلاب آ گیا سب اپنڑاں اپنڑاں سامان محفوظ جاء تے گھن تے بھکدے رھے ، سنتا سنگھ اپنڑیں چھت تے حقی پیندا رھیا ، تے نال ھی گانا گاندا رھیا ۔ تیڈے آون تے کھڑاک وݙے ہوون۔ مزے تے ماھیا ھن آݨ کہ ۔ کہں نے آکھا سنتا سنگھ سیلاب آندا پئے سامان چا تے بھج ونج، سنتا سنگھ آکھیا غربت دا اج ھی تاں مزا آنا پیا ھِ نا اپنڑیں کول سامان ھں نا بھجݨ دی فکر ۔ میڈا دل کریندا ھ ایں کورونا دی ھک پپی اتھاں تے ھک پپتہ اوتھاں گھناں ، ڈریں ایں توں او جنہاں کوں کجھ ونجاوݨ دا ݙر ہووے سنجو تے بیلیو ݙونٹ وری اے وائرس غریباں کوں کجھ نی آکھیندا اے امیراں دا دشمن ھِ ھن ݙساو جسٹن ٹروڈو دی ذال توں زیادہ کون اپنڑیں حفاظت کریندا ہوسی اے انہاں کوں وی چمبھڑ گئیا تے پولینڈ دے آرمی دی چھڑی کوں چمبھڑ گئیا تے انہاں کوں وی گھن بیٹا ھن امیر بھج کے ڈکھاون کیتھاں ویسن، امریکا ، برطانیہ ، یورپ ، سبھ جا تے موت تساݙا پچھوں ھِ
بنتا سنگھ کوں شادی توں ھک ݙینھ پہلے منگیتر دا موبائل تے میسج آیا ھا ، سوری جانو میں تیڈے نال شادی نی کر سکدی میڈی شادی کہیں بئے انل تھیندی پئی ھِ ، بنتا سنگھ صدمے نال بے ہوش تھئی گئیا ھا ہوش آیا تاں منگیتر دا ݙجہا میسج ݙیکھ تے ول بے ہوش تھئی گئی اھن دی واری میسج ھا سوری بنتا سنگھ او میسج تساݙے کیتا نا ھا کہیں بئے واسطے ھا ۔ سو میرے ڈینگی ، یرقان ، ھیپاٹاٹس جئی بیماریاں دی آنکھیاں ءچ آکنکھاں پا تے جیوں والے بہادر پاکستانیوں ایں حقیر فقیر وائرس توں ڈرݨ دی ضرورت کینی اساں تاں گٹر دا ملا پانڑیں پی تے وی زندہ رھاندے ھیں ، ہریلی سبزیاں ، مردہ جانور دا گوشت ، کیمیکل ملا کھیر اساݙا کجھ نی ویگاڑ سکدا تاں ایں کورونا وائرس دی کیا اوقات ھِ چاھے ڈینگی دا میسج آوے ، چاہے کورونا دا تساں بے ہوش نی تھیونڑاں ، بھراونڑاں کینی ، تے گبھراوݨ توں شرماونڑاں ھی کینی۔
تساں کتنے بھولے ھیووے سمجھدے ہو حکومتی اقدامات اساݙے کیڑے مکوڑیاں دی فلاح کیتے ھن بھیا میڈے وانگو جیویں ھی آئی ایم ایف دے تنخواہ دار مشیر خزانہ نے کابینہ کوں ڈسایا کہ آئی ایم ایف نے کورونا دی روک تھام کیتے کروڑاں ڈالر رکھے ھن اساݙی ٹلیاں کھڑک گئیاں ھن چاراں پاسے ایمرجنسی ایمرجنسی دی پھڑلو پھڑلو مچ گئی ھِ انھدے کوں کیا چاھیدے ݙو آنکھیں ، فنڈ دے ناں تے تاں اساں بھیک جیا کینسر قوم ءچ گھن آندے ھیں تاں اے تاں ول ایبگری سیمی ینگ مین خلیل الرحمن قمر دے بقول ݙو ٹکے دا کورونا ھِ میڈا یقین ھِ اگر فنڈ دا چکر نا ہوندا تاں حکومت کورونا دے خلا فکہیں ایمرجنسی ویمرجنسی لاوݨ دی بجائے ڈبل سواری تے پابندی لاندی یا شہار دے مختلف جاواں تے پولیس دے ناکے لاندی بہوں زیادہ کریندی تاں موبائل سروس بند کر ݙیندی ھِ ۔
چنگا ھِ ایں چکر ءچ آئی ایم ایف توں جتنے پیسے جھپ گھیدے ونجن بہتر ھِ جلد یا بدیر کورونا نے ختم تھیونڑاں ھں لیکن انسان اے کڈھیں نا سمجھسی کہ قدرت نے ایکوں ھک واری سوچݨ دا موقع ݙیتا ھِ کہ ایں خطے ارض تے کمزور بے بس ، بے نوا بری طرح پسدے پئے ھن طاقتور غریب محتاجاں تے محکمیاں دے خون نال ہتھ رنگ تے جشن منیندے پئے ھن ، معصوم بالاں کوں اقتصادی جنگ ءچ ماواں دے ڈھیڈ ءچ مار ݙیتا ویندا ھِ روزانہ ھزاراں انسان بھک بیماری تے کسمپرسی نال مر ویندے ھن دنیا دے ٹھیکدار اپنڑیں جنون ءچ جنگ دی بھڑکائی ویندن کورونا آیا ھِ چلا ھی ویسی لیکن کورونا توں زیادہ بھیانک وائرس حرص، لالچ ، طمع ، خود غرضی ، نفانفسی دا وائرس خاموشی نال زندگیاں نال کھیڈا رھاسی
لگدا ھِ مسلم لیگ ن ءچ فیصلہ کن جنگ اپنڑیں منطقی انجام تک آ گئی ھِ اساݙی مریم نواز دی اچانک انٹری تاں ایہا ڈسیندی ھِ کہ بیانئے دی جنگ ءچ انہاں ھک واری ول شہباز شری فیاینڈ کمپنی کوں ٹھبی کروائی ھِ ایندے ءچ تان کوئی ڈو رائے ھ ھی کینا کہ مسلم لیگ ن دا مطلب صرف تے صرف نواز شریف ھِ اصلی بابے دی قلفی دے سامنڑیں تساں جتنے مرضی کھوکھے کھول گھینو ، اصل تے خالص قلفی بابے نواز دی ھِ تے تساں جتنا مرضی دکان دے ویل بوٹے والیں بلب لٹکا گھینو جیل شیل لاکے بودے شودے وا کے بیھ ونجوں ورکر نے صرف وݙے میاں دی دکان تے ھی رکنڑیں ایہا وجہ ھِ کہ مریم جئیں ویلیں نکلسی مسلم لیگ دا مردہ گھوڑا انگڑائی ضرور گھنسی ، سنتا سنگھ آخری ساہ گھیندا پیا ھا
ایں نے اپنڑی بیوی کوں آکھیا بھلی لوکے جئیں ویلے میں مر ونجاں تاں توں ݙوجہی شادی کر گھینی تے میڈے سارے کپرے تے جوتے اپنریں شوہر کوں ݙے ݙیویں اے سݨ تے بھلی لوکے زور زور نال روݨ لگی سنتا سنگھ اکھیا پاگل ھالی میں زندہ ھاں توں کیوں روندی پئی ھیں ، او بولی رواس گھیندی پئی ھاں کہ دلیر سنگھ کوح تیڈے کپڑے تے جوتے ڈھلے پوسن ، میڈا وی ایہو آکھݨ ھا کہ مسلم لیگ ءچ اگر میان صاحب دا بیانیہ فوت وی تھئی گئیا تاں ݙوجہے گروپ ءچوں کوئی بئیا بیانیہ فٹ نا آسی، میڈا اصل روݨ وی ایہو ھا۔
Leave a Reply