پاور پلانٹاں کوں کیپسٹی چارجز دی ادائیگی کیتے ٤ مہینے کیتے مشروط طور تے بجلی دی قیمتاں ءچ کمی کر ݙیتی گئی

لاہور۔ وفاقی حکومت دی طرفوں پاور پلانٹاں کوں کیپسٹی چارجز دی ادائیگی کیتے چار مہینے واسطے مشروط طور تے بجلی دی قیمتاں ءچ کمی کر ݙیتی گئی گھریلو ، کمرشل تے صنعتی صارفین کوں ١١ روپے ٩٧ پیسے فی یونت قیمت دا نوٹی فکیشن جاری کر ݙیتا گئیا ۔ ذرائع نے ڈسایا کہ حکومت نے پاور پلانٹاں کوں ارباں روپے دے کیپسی چارجز ءچ کمی گھن آوݨ کیتے ٹیرف تبدیل کیتا ، معاھدے دے تحت بجلی دی پیدوار نھ کرݨ دی صورت ءچ کیپسی چارجز دی ادائیگی کرنا ہوسی، سردیاں ءچ گاھکاں دی طرفوں بجلی دے کم استعمال دی وجہہ توں ارب روپے دی ادائیگی کڑا امتحان بݨ گئیا ، کیپسی چارجز دی ادائیگی کیتے گاھکاں کوں سستی بجلی دیگر ریونیو کٹھا کرݨ دا فیصلہ کیتا گئیا ھِ نیپرا نے فروری ٢٠٢٠ تک سستی بجلی ݙیوݨ دا نوٹی فکیشن جاری کر ݙیتا ۔ نوٹی فیکیشن دے مطابق گزشتہ سال توں زائد یونٹ استعمال کرݨ والیاں کوں سستی بجلی ݙیتی ویسی۔ جبکہ گزرن سال توں گھٹ یونٹاں دے استمعال کرݨ والے سستی بجلی توں فائدہ نی چا سکدے، مشروط کمی گھریلو ، کمرشل تے صنعتی صارفین کیتے کیتی گئی ھِ تمام گاھکاں کوں ١١ روپے ٩٧ پیسے فی یونٹ قیمت مقرر کر ݙیتی گئی ھِ ، ٹیرف ءچ کمی صارفین کوں زیادی توں زیادہ بجلی استعمال کرݨ دی طرف گھن آوݨ ھِ ۔