لاہور(سرائیکی نیوز) مقبوضہ کشمیر ءچ فاشٹ مودی سرکاری دی طرفوں کرفیو دے نفاذ کوں ٢٣ ڈینھ گزر چکے ھن حالات بد توں بد تر تھیندے ویندے ھن، کشمیر میڈیا سروس تے عالمی ذرائع ابلاغ دے مطابق معصوم تے بے گناہ کشمیری عوام کوں شدید مشکلات دا سامنڑاں ھِ خوراک تے دوائیاں دی قلت پیدا تھئی چکی ھِ جو کہ کہیں وݙے انسانی المیہ کوں جنم ݙے سکدی ھِ لیکن قابض ریاستی دہشت گرد انتظامیہ دے کناں تے جوں تک نی رینگی تے او کشمیریاں کوں جبر نال دباوݨ دی پالیسی تے بے شرمی تے ڈھٹیائی نال عمل پیرا ھِ
مظلوم کشمیریاں نال اظہار یکجہتی کیتے ملک بھر توں احتجاجے مظاہرے کیتے گئن سندھ ءچ ھندو برادری نے کشمیریاں دے نال اظہار یکجہتی کیتے ریلی کڈھی ریلی ءچ شریک بالاں نے ڈبلیو پیش کر تے مودی سرکاری دی طرفوں کشمیریاں تے ظلم و ستم کوں اجاگر کیتا، ریلی ءچ شریک ھندو برادری دے بندیاں نے ہتھ ءچ بینتر چا رکھے ھن جنہاں تے کشمیر دی حق خود ارادیت کیتے نعرے درج ھن شرکا کشمیر بنے گا پاکستان دے نعرے لائے
وفاقی دارالحکومت اسلام آباد، کراچی ، لاہور ، پشاور تے مظفرآباد سمیت پاکستان تے آزاد کشمیر دے چھوٹے وݙے شہراں ءچ کشمیریاں دے نال اظہار یکجہتی کیتے ریلیاں تے مظاہریاں دا انعقاد کیتا گئیا جیندے ءچ مقررین نے کشمیریاں دے حق خود ارادیت کیتے تقریراں کیتیاں تے بھارت دی فاشت پالیسیاں دی شدید مزمت کیتی۔
