لاہور(سرائیکی نیوز) چیف جسٹس سعید کھوسہ دا آکھݨ ھا کہ کہیں وی معاشرے ءچ وکیل دا درجہ مثالی حیثیت رکھیندے، میڈے والد وی وکیل ھن ، وکیل معاشرے دے محروم طبقے کیتے قانونی جنگ لڑدا ھِ انہاں دا آکھݨ ھا کہ تمام پیشے معزز ھن ، لیکن ڈاکٹر تے وکیل اہم ترین شعبے ھن ، ڈاکٹر تکلیف کوں دور کریندے تے وکیل لوگاں دے حق کیتے لڑدا ھِ
چیف جسٹس پاکستان نے آکھیا کہ میݙے والد نے تقریبا” ٥٥ سال تک وکالت کیتی ، والد مرحوم سائیکل تے عدالت ویندے ھن، ہر کوئی انہاں دی عزت کریندا ھا ، انہاں آکھا کہ وکالت آج وی پاکستانی معاشرء ءچ ھک معزز پیشہ ھِ ہر قانون تاریخ دے کہیں نا کہیں واقعے دی مناسبت نال بنڑدا ھِ ، وکلاء خود کوں اخبارات تے کتاباں نال جڑے رکھمݨ انہاں آکھیا کہ وکیل کیتے اپنڑیں کیس دی تمام باریکیاں دا احاطہ کرݨ اشد ضروری ھِ وکلاء کوں تاریخ ، ریاضی تے ادب تے وی دسترس حاصل کرنی چاھیدی ھِ قانون دی اصل روح نال آشنائی ہووے تاں وکیل دے دلائل ءچ وزن ہوندے ، انہاں آکھیا کہ تاریخ دا مطالعہ ھک وکیل دے دلائل کوں مضبوچ بنڑیندا ھِ ، تساݙے دلائل ریاضی دی طرح پکے ہونڑیں چاھیدن
