اوورسیز پاکستانیز کمشنر پنجاب دی تعیناتی توں متعلق از خود نوٹس دی سماعت ءچ چیف جسٹس دا افضال بھٹی دیخلاف ریفرنس دائر کرݨ دا حکم

لاہور(سرائیکی نیوز) اوورسیزز پاکستانیز کمشنر پنجاب دی تعیناتی توں متعلق از خود نوٹس دی سماعت ء چیف جسٹس ثاقب نثار نے اوور سیز پاکستانیز کمیشن افضال بھٹی دیخلاف ریفرنس دائر کرݨ دا حکم ݙیندے ہووے ریمارکس ݙیتے کہ نیب ملزم کوں سنݨ دے بعد ریفرنس دائر کریسی۔ تفصیل دے مطابق اوورسیز پاکستانیز کمشنر پنجاب دی تعیناتی توں متعلق از خود نوٹس دی سماعت چیف جسٹس ثاقب نثار دی سربراھی ءچ ٣ رکنی بینچ سپریم کورٹ لاہور رجسٹری ءچ کیتی ایں موقع تے ݙی جی نیب سلیم شہزاد اݙٹ رپورٹ دے نال عدالت ءچ پیش تھئے جیندے ءچ افضال بھٹی دے پاکستانی شہری نا ہووݨ دا انکشاف وی تھیا تے انہاں نے اعتراف کیتا کہ غیر ملکی شہریت دے باوجود سرکاری ملازم رھا۔ افضال بھٹی دے روسٹرم آوݨ تے چیف جسٹس نے ریمارکس ݙیتے کہ آئیے منظور نظر، افضال بھٹی تساݙے کیتے پیش کس ھِ جو اضافی وصول کیتا واپس کر ݙیو، تساں کتنی تنخواہ گھندے پئے وے ، پتہ ھِ نا ݙیم بݨدا پئے تمام اضافی تنخواھواں ایں ݙیم ءچ ونجڑی ھِ ݙی جی نیب سلیم شہزاد نے عدالت کوں آگاہ کیتا کہ افضال بھٹی نواز شریف دے سیکریٹری تے شہباز شریف دے پولیٹیکل سیکریٹری وی رہے جبکہ اے اوورسیز کمشنر کیتے مطلوبہ تجربہ وی نی رکھیندے تے ٥ لکھ روپے تنخواہ گھیندے رہے سلیکشن کمیٹی نے ٣ امیدواراں دے ناں ایں ویلے دے وزیر اعلی کوں ݙیتے تے شہباز شریف دی منظورہ دے بعد افضال بھٹی کوں تعینات کیتا گئیا ۔ چیف جسٹس نے ریمارکس ݙیتے کہ تساں اضافی تنخواہ واپس کریسوں یا ریفرنس نیب کوں بجوا ݙیتی۔ جئیں تے افضال بھٹی دا آکھݨ ھا کہ میں نیب دی آݙٹ رپورٹ کوں چیلنج کریندا ھاں ، چیف جسٹس نے استفسار کیتا کہ تساں دھری شہریت رکھیندے ھن افضال بھٹی بولے پیدائشی برطانوی شہری ھاں پاکستانی شہریت کینی چیف جسٹس ثاقب نثار نے اوورسیز پاکستانیز کمیشن افضال بھٹی دیخلاف ریفرنس دائر کرݨ دا حکم ݙیندے ہووے ریمارکس ݙیتے کہ پاکستان او ملک کینی جیتھاں جو وی آووے تے کھا تے ٹر ونجے ، نیب ملزم کوں سنݨ دے بعد ریفرنس دائر کریسن۔