سرائیکی خطے دے ٨ ارکان قومی و صوبائی اسمبلی ن لیگ کوں خیرباڊ آکھ گئے

لاہور(سرائیکی نیوز) مسلم لیگ ن دے سرائیکی خطے توں چھ ارکان قومی اسمبلی تے ڈو ممبر صوبائی اسمبلی نے پارٹی چھوڑ ݙیتی ، اسمبلیاں توں استعفے ڈیوݨ دا اعلان کر ݙیتا، پریس کانفرنس کریندے ہووے مسلم لیگ ن دے جنوبی پنجاب دے اراکین دا آکھن ھا کہ محرومیاں ودھ ونجن تاں وفاق کمزور تھئی ویندا ھِ جنوبی پنجاب کوں علیحدہ صوبہ بنڑاون دا وقت آ گئیا ھِ منحرف ارکان نے سابق نگران وزیر اعظم بلخ شیر مزاری دی زیر قیادت جنوبی پنجاب صوبہ محاذ بنڑاون دا اعلان کر ݙیتا ، منحرف رہنما دا آکھن ھا کہ پسماندگی ختم کرݨ کیتے علیحدہ صوبہ ضروری ھِ جنوبی پنجاب صوبہ محاذ دے بغیر کوئی الیکشن نی جیتے ونج سکدے، بھارت نے مشرقی پنجاب دے تریھ صوبے بنڑا ڈیتے منحرف ارکان اچ خسرو بختیار ، طاہر بشیر چیمہ باسط بخاری ، قاسم نون ، طاہر اقبال ، ایم پی اے نصراللہ دریشک اصغر علی شامل ھن۔ خسرو بختیار دا آکھن ھا کہ قومی اسمبلی توں چھی تے صوبائی توں ݙو ارکان مستعفی تھئے ، نویں صوبے بنڑاون دی لوڑ ھِ فراخدلی نال سوچا ونجے عنقریب بہوں سارے اراکین اساݙے نال ملسن۔ انہاں دا آکھن ھا کہ جنوبی پنجاب اچ غربت دی شرح ٥١ فیصد توں ودھ گئی ھِ جنوبی پنجاب اچ بے روزگاری ودھ گئی ھِ پبلک سروس کمیشن اچ پنج فیصد نمائندگی ھِ