مسئلہ کشمیر حل کرواوݨ کیتے پاکستان کوں عالمی سطح تے اپنڑاں کرڊار اڊا کرنا ہوسی، مشال ملک

لاہور (سرائیکی نیوز۔ عمران بھٹی) کشمیری حریت پسند رہنما یاسین ملک دی اہلیہ مشال ملک نے آکھیا ھِ کہ صرف یوم کشمیر مناوݨ نال آزادی دا حصول ممکن کینی بلکہ پاکستان کوں مسئلہ کشمیر دا سب توں وݙا فریق ہوون دے ناطے عالمہ سطح تے اپنڑاں اہم کردار ادا کرنا چاھیدا ھِ کشمیری خاتون رہنما نے جی سی یونیورسٹی اچ طلبہ نال خطاب کریندے ہووے آکھیا کہ نہتے کشمیری بھارت دی ٨ لکھ فوج دا مقابل کریندے پئے ھن لیکن لاشاں دا ڈھیر ڈے تے وی امن قائم نی تھئی سکدا، اقوام متحدھ دی قرار داداں تے عملدرڈمد دا کوئی وقت مخصوص کینی ، پاکستان کوں کشمیر ا مسئلہ حل کرواوݨ کیتے عالمہ سطح تے اپنڑاں کردار ادا کرنا ہوسی انہاں مزید آکھیا کہ بھارت مقبوضہ کشمیر تے زبردستی اپنڑاں تسلط برقرار رکھ چاھندا ھِ مسئلہ کشمیر دی وجہہ نال جنگ چھیڑ سکدی ھِ کشمیر اچ بالاں دے اسکول بیگ ساڑے ویندےپئے ھن مقبوضہ کشمیر اچ قصائی دی دکان کھلی ہوئی ھِ مشال ملک دا آکھن ھا کہ پاکستانی نوجوان کشمیر دی آزادی کیتے اپنڑاں کردار ادا کرن جو کشمیری عوام کیتے سوشل میڈیا تے بھر پور مہم چلا سکدے ھن اساں سبھ کوں ہر محاذ تے کشمیر دی جدوجہد تے آزادی کیتے آواز بلند کرنا ہوسی۔