علامہ طاہر اشرفی نے راجہ ظفر الحق رپورٹ جاری نا کرݨ دے خلاف احتجاجی کیمپ لاوݨ دا اعلان کر ݙیتا

لاہور(سرائیکی نیوز) پاکستان علماء کونسل دے سربراہ علامہ حافظ طاہر محمود اشرفی نے انتہا پسندی دہشت گردی تے فرقہ وارانہ تشدد دے خلاف عالمی اسلامی فکری اتحاد دے قیام کیتے ٢٤ اپریل کوں تریجھی بین الاقوامی پیغام اسلام کانفرنس منعقد کرن جبکہ مساجد و مدارس کوں این او سی جاری نا کرݨ ، بے گناہ بندیاں کوں فورشیڈول اچ پاوݨ تے راجہ ظفر الحق کمیٹی دی رپورٹ جاری نا کرن دے خلاف یکم اپریل توں احتجاجی کیمپ لاون دا اعلان کر ݙیتا۔ تفصیل دے مطابق پاکستان علماء کونسل دی مرکزی مجلس شوری تے عاملہ دا اہم اجلاس جامعہ مسجد خلفائے راشدین اچ منعقد تھیا جیندی صدارت چیئرمین حافظ طاہر محمود اشرف نے کیتی جبکہ اجلاس اچ مرکزی سیکریٹری جنرل عبدالحمید وٹو ، فنانس سیکویٹری مولانا اسد اللہ فاروق ، قاضی مطیع اللہ ، مولانا شفیع قاسمی ، مولانا حاجی طیب قادری مولانا اسید الرحمن سعید ، مولانا اشفاق پتافی دے علاوہ مختلف اضلاع دے عہدیداراں دی وڈی تعداد نے شرکت کیتی اجلاس اچ تنظیم سازی انتخابات 2018 تے ملک دی موجودہ صورتحال تے تفصیلی تبادلہ خیال کیتا گئیا تے منشور سمیت مختلف امور دی منظوری ݙیتی گئی ۔ اجلاس اچ ھک قرار داد دے ذریعے چیئرمین حافظ طاہر محمود اشرفی دی قیادت تے مکمل اعتماد دا اظہار کیتا انہاں دے فیصلیاں دی تائید کیتی گئی۔