اشرف جلالی ڊا 27 جنوری توں جیل بھرو تحریک شروع کرݨ ڊا اعلان
لاہور(سرائیکی نیوز۔کامران مقبول) پنجاب دے وزیر قانون رانا ثناء اللہ دے استعفے کیتے پیر سیالوی نے داتا دربار دے سامنڑیں میدان سجا گھیدا ، اشرف جلالی نے ٢٧ جنوری کوں پنجاب اسمبلی توں جیل بھرو تحریک شروع کرن دا اعلان کر ڈیتا ھِ جلسے دے شرکاء توں خاب کریندے ہووے ڈاکٹر اشرف آصف جلالی نے آکھیا کہ کجھ لمحے ایہو جئے آندے ھن کہ باہر نکل تے غصے دا اظہار نا کیتا ونجے تاں عبادت ختم تھئی ویندی ھِ ختم نبوت تے جئیں کہیں نے وی میلی آکھ نا ڈیٹھا تاں ایندا ناں تے نشان مٹا دیتا ویسی، اج حجرے اچ بھاوݨ دا ڈنہیں کینی باہر نکلݨ دا ڈنہیں ھِ ۔ انہاں مزید آکھیا کہ ستاوی جنوری توں جیل بھرو تحریک دی شروعات کریسوں، پیر حمید الدین سیالوی کوں رانا ثناء اللہ جئے شخص دی ضرورت کینی ، ختم نبوت دے معاملے تے حمید الدین سیالوی دے نال بھروپور ساتھ ڈیسوں ، پیر حمید الدین سیالوی دی عظمت کوں سلام پیش کریندے ھیں شہباز شریف آستانیاں کوں خریدݨ دا کم بند کرن، چند مولویاں توں مرضی دا بیان ڈیواوݨ نال کجھ نا تھیسی۔ ڈاکٹر اشرف آصف جلالی نے مزید آکھیا کہ ختم نبوت دے معاملے تے دھری پالیسی نا چلن ڈیسوں۔ ختم نبوت دے معاملے تے غداری کیتی گئی ڈاکہ مارا گئیا ، کیا حکمراناں دا کم فقط گولی نال لاشاں ڈھاون ھِ اگلا الیکشن ختم نبوت دے وفاداراں تے غداراں دے درمیان ہوسی۔
