تحریک لبیک یا رسول اللہ دا 27 جنوری توں جیل بھرو تحریک دا اعلان
لاہور(سرائیکی نیوز) تحریک لبیک یا رسول اللہ دی طرفوں اپنڑیں مطالبات دی منظوری دی ڈیڈ لائن گزر ونجن دے بعد مذہبی جماعت دا ستاویں جنوری توں جیل بھرو تحریک دے آغاز دا اعلان کر ڈیتا۔ تحریک لبیک یا رسول اللہ دے مطالبات اچ پنجاب دے وزیر قانون رانا ثناء اللہ دا استعفی، راجہ ظفر الحق دی رپورٹ کوں عوامی کرن تے تحریک ختم نبوت اچ مرن والیاں کوں معاوضہ ادا کرن شامل ھِ تحریک لبیک دے صدر اشرف آصف جلالی نے پریس کانفرنس کریندے ہووے ڈاسایا کہ لاہور توں انہاں دی جماعت دے ١٠٠ کارکنان ٢٧ جنوری کوں پنجاب اسمبلی دی بلڈنگ دے سامنڑیں گرفتاری ڈیسن۔انہاں نے ڈسیا کہ روزانہ دی بنیاد تے ١٠٠ دے قریب کارکنان مختلف شہراں توں اپنڑیاں گرفتاریاں ڈیندے رھاسن جئیں ویلے تک پنجاب دے تمام جیل بھر نی ویندے۔
انہاں دا آکھن ھا کہ حکومت نے اساڈی جماعت دے مطالبات دی منظوری دے کئی واری وعدے کیتے ھن لیکن انہاں وعدیاں کوں پورا کرن اچ ناکام رہی ھِ انہاں نے آکھیا کہ اساڈی جماعت نی حکومت کوں ول ول انہاں دا وعدہ یاد ڈوایا تے ڈیڈ لائن کوں مزید اگوں وی ودھایا ھا لیکن ھن معاملہ برداشت توں باہر ھِ کیونکہ حکومت اپنڑاں کیتا ہویا وعدہ پورا کرن اچ پوری طرح ناکام تھئی چکی ھِ انہاں نے آکھیا کہ تحریک لبیک یا رسول اللہ دے دھرنے دے بعد ھی صورتحال بہتر تھیون دی بجائے گزشتہ چند ماہ اچ مزید بد تر تھئی ھِ
انہاں دا آکھن ھا کہ اساں تحریک اچ مرن والیاں واسطے لڑدے پئے ھیں لیکن قصور دے واقعے دے بعد وزیر اعلی نے خود کوں فائدہ چاون والیاں توں گھیرے اچ گھن گھیدا ھِ جو انہاں تمام حکومتی امور اچ غلط راہ ڈکھیندے پئے ھن۔ انہاں مزید آکھیا کہ رانا ثناء اللہ جئے بندے کیمرے دے سامنڑیں بیان ڈیتا ھا کہ جو ایں جرم کوں ثابت کرے ول حکومت ایکوں ہٹاون اچ کیوں جھجھکدی رہی ھِ آخیر اچ نہاںنے آکھیا کہ اساڈی جماعت نے فیصلہ کر گھیدا ھِ کہ اساں حکومت توں اپنڑیں مطالبقات منواوݨ واسطے زبردستی کریسوں۔
