حملے نال پاک فوج دے ٥ جوان شہید، ١٠ دہشتگرد ہلاک

0
89

 حملے نال پاک فوج دے ٥ جوان شہید، ١٠ دہشتگرد ہلاک

پاک فوج دے ٥ جوان شہادت نوش فرما گئن  شہدا اچ نائیک ثنا اللہ، نائیک صفدر ، سپاہی الطاف، سپاہی نیک محمد تِ سپاہی انور شامل ھن

دہشت گرد ڈونہاں ملکاں دےواسطے مشترکہ خطرہ ھن سرحد تِدہشتگرداں دی آزادانہ نقل تِ حرکت روکی ونجے۔آرمی چیف

راولپنڈی(سرائیکی نیوز) مہمند ایجنسی اچ سرحد پار توں پاکستانی چیک پوسٹ تِ دہشت گرداں دے حملے نال پاک فوج دے ٥ جوان شہید تھئی گئے بھر پور جوابی کارروائی اچ ١٠ دہشت گرداں کوں ہلاک کر ڈیتا گئے، آرمی چیف نے آفغان سرحد تِ پاکستانی فوجی دستیاں دی موجودگی تِ سرحد دی کڑی نگرانی دی ہدایت کر ڈیتی۔ پاک فوج دے شعبہ تعلقات عامہ (آئی ایس پی آر) دے مطابق مہمند ایجنسی اچ پاک فوج دی ٣ پوسٹاں کوں سرحد پار توں نشانہ بنڑایا گئے کارروائی رات دے پچھلے پہر کیتی گئی ھِ جیندے اچ پاک فوج دے ٥ جوان شہادت نوش فرما گئن  شہدا اچ نائیک ثنا اللہ، نائیک صفدر ، سپاہی الطاف، سپاہی نیک محمد تِ سپاہی انور شامل ھن۔ پاک فوج دی جوابی کارروائی نال حملہ کرݨ والے ١٠ دہشت گرداں کوں ہلاک کر ڈیتا گئے آئی ایس پی آر دے مطابق دہشت گرداں دے حملے دا منہ توڑ جواب ڈیتا گئے آرمی چیف جنرل قمر جاوید باجوہ نے پاک فوج دی موثر جوابی کارروائی دی داد ڈیتی ھِ آئی ایس پی آر دے مطابق آرمی چیف افغان سرحد تِ پاکستانی فوجی دستیاں دی موجودگی تِ سرحد دی کڑی نگرانی دی ہدایت کر ڈیتی ھِ  آرمی چیف نے مزید آکھے کہ دہشت گرد ڈونہاں ملکاں دےواسطے مشترکہ خطرہ ھن سرحد تِدہشتگرداں دی آزادانہ نقل تِ حرکت روکی ونجے۔آرمی چیف نے قیمتی جاناں دے نقصان دے افسوس دا اظہار کریندے ہووے قوم دے بہادر پتراں دی قربانیاں کوں سراہے۔

LEAVE A REPLY

Please enter your comment!
Please enter your name here