عرس حضرت سخی سرور دا آغاز، دھمال تِ پابندی
عرس حضرت سخی سرور دا آغاز، دھمال تِ پابندی
سیکورٹی فل پروف ہون دے باوجود دھمال رکواوں تِ افسوس دا اظہار کریندے ہیں ، تِ حکومت توں درخواست کیتی کہ عقیدت منداں دی دل عزاری نا کیتی ونجے، زائرین
سخی سرور (آفتاب سیفل ۔ سرائیکی نیوز) عرس حضرت سخی سرور رحمتہ اللہ علیہ دی تقریبات دا آغاز تھئی گئے سابقہ سال ڊی نسبت عرس دی پہلی جمعرات اچ زائرین دی تعداد اچ کمی آئی ھِ سیکورٹی دے سخت ترین انتظامات کیتے گئین دربار دے اندر تھیون والی دھمال تِ پابندی عائد کیتی گئی ھِ سیکورٹی خدشات دے وجہہ توں دربار دے نیڑے اسٹال لاون والیاں تِ پابندی ھائی قافلے دی صورت اچ آوݨ والے زائرین دے بائیو میٹرک تصدیق کیتی گئی ھِ سیکورٹی خدشات دی وجہہ نال عرس سخی سرور ١٥ اپریل توں کم کر کے یم مارچ ۲۴تک منایا ویسی۔ دور دراز علاقیاں توں زائرین دی وڈی تعداد عرس اچ شرکت اچ آئی تِ سالہال سال توں دھمال نا تھیون تِ وی فکر دا اظہار کیتا انہاں آکھیا کہ ڈوکھی دلاں دے نال آون والے ولی دی نسبت اچ بہہ تِ قلبی سکون حاصل کریندن تِ دھمال انہاں دے محبت اچ مناون واسطے ھک حاضری دا انداز ھِ یاد رہاوے کہ گزشتہ روز سہون شریف لال شہباز قلندر رحمتہ اللہ علیہ دے مزار دے احاطے اچ دھمال دے دوران دھماکے دی وجہہ توں دھمال مزار تِ بند کر ڈیتی گئی ھِ ، زائرین نے نمائندہ سرائیکی نیوز آفتاب سیفل نال گالھ کریندے ہووے آکھیا کہ سیکورٹی فل پروف ہون دے باوجود دھمال رکواوں تِ افسوس دا اظہار کریندے ہیں ، تِ حکومت توں درخواست کیتی کہ عقیدت منداں دی دل عزاری نا کیتی ونجے سیکورٹی اچ سبھ تعاون فرمیندے ہیں لیکن عقیدت منداں تِ زائرئن دی محبتاں دا امتحان نا گھیدا ونجے۔
