کلینک تے مریض پر اسرار طور تے جاں بحق، ڈاکٹر پولیس حوالے
ورثاء مریض کوں بہاول پور وکٹوریہ ہسپتال گھن تے ونجن کوں آکھیا تاہم نوجوان جانبر نا تھئی سکا جاں بحق تھیدن والے نوجوان دے لواحقین نے ڈاکٹر دا محاسبہ کریندے ہووے ہسپتال دے کمرے اچ بند کر ڈیتا
بہاولپور (سرائیکی نیوز) بہاول پور دے نجی کلینک اچ مبینہ طور تے غلط انجکشن لاون نال مریض جاں بحق تھئی گئیا پولیس نے مقدمہ درج کر تے ڈاکٹر کوں گرفتار کر گھیدا، بہاولپور دے علاقے حیدر کالونی اچ موجود نجی کلینک تے ڈاکٹر نے بخار دے مرض اچ گھن تے آئے گئے حامد نواز نامی بندے کوں مبینہ طور تے غلط انجکشن لا ڈیتا جئیں وجہہ توں مریض دی حالت خراب تھئی گئی۔ ڈاکٹر ساجد نے ورثاء مریض کوں بہاول پور وکٹوریہ ہسپتال گھن تے ونجن کوں آکھیا تاہم نوجوان جانبر نا تھئی سکا جاں بحق تھیدن والے نوجوان دے لواحقین نے ڈاکٹر دا محاسبہ کریندے ہووے ہسپتال دے کمرے اچ بند کر ڈیتا جئیں تے ہسپتال انتظامیہ پولیس طلب کر گھیدی ۔
لواحقین دے احجاج کرن تے پولیس نے ڈاکٹر کوں گرفتار کر گھیدا ، ہسپتال انتظامیہ دے مطابق ڈاکٹر دا بہاولپور وکٹوریہ ہسپتال نال کوئی تعلق کینی مریض کوں غلط انجکشن پرائیویٹ کلینک تے لایا گئیا مریض تشویشناک حالت اچ ہسپتال گھن تے آیا گئیا ھا جیتھاں او دم توڑ گئیا ورثاء چے مطابق جاں بحو تھیون والے نوجوان دی ڈو روز قبل ھی شادی تھئی ھائی
