قانون دے تحت آرمی چیف دی تعیناتی وزیراعظم دا اختیار اے، عمران خان ایں عمل کوں سبوتاژ کرتے ملک کوں عدم استحکام دا شکار کرݨ چاہندن جئیں دی انہاں کوں ماکل کائنا ݙتی ویسی، وزیرخارجہ بلاول بھٹو زرداری

0
124
آرمی چیف تعیناتی

اسلام آباد (اے پی پی) وزیرخارجہ بلاول بھٹو زرداری آکھیا جو قانون دے تحت آرمی چیف دی تعیناتی وزیراعظم دا اختیار اے،  عمران خان ایں عمل کوں سبوتاژ کرتے ملک کوں عدم استحکام دا شکار کرݨ چاہندن جئیں دی انہاں کوں ماکل کائنا ݙتی ویسی، عمران خان کوں ملک تے مسلط کیتا ڳے جئیں نال ملک، معیشت اتے خارجہ پالیسی دا ضیانتھیے۔ عمران خان دامقصد جمہوری اے تاں او اہم تعیناتی دے عمل کوں پورا تھیوݨ ݙیون۔ ولا آتے جلسہ کرن۔ 2014 اچ وی دھرنا ݙے تے ملک دا نقصان تھیا اتے ہݨ ولا عدم استحکام ٻݨاوݨ چاہندن جئیں اچ او کامیاب نہ تھیسن۔ چھݨ چھݨ کوں ہک پریس کانفرنس توں خطاب کریندیں ہوعیں انہاں آکھیا جو ماضی اچ عمران خان کوں مسلط کر تے ملک دا نقصان کیتا ڳےا اتے ہݨ وی عمران خان آپݨی انا پرستی پاروں ملک کوں عدم استحکام دا شکار کرݨ چاہندن۔



انہاں آکھیاجو جئیں ویلھے آئی ایم ایف نال معاہدہ دی ڳالھ تھیندی پی ہئی اوں ویلھے وی انہاں ملک کوں سبوتاژ کرݨ دی کوشش کیتی۔ انہاں دا طرز عمل جمہوری کائنی، انہاں کوں کہیں ڳالھ دی پرواہ کائنی جو جمہوری نظام دا نقصان تھی سڳدے۔  بلاول بھٹو آکھیا جو آرمی چیف جنرل باجوہ توسیع ڳھنݨ توں انکار کر تے آئینی کردار ادا کیتے اتے خان صاحب کوں آئینی کردار قبول کائنی جئیں کیتے او اےحقیقی آزادی دے ناں تے لوکاں کوں گمراہ کریندے پن۔ پاکستان اتے اوندی عوام ایں بحران دے متحمل نی تھی سڳدے۔ قانون دے تحت آرمی چیف دی تعیناتی وزیراعظم دا اختیار اے،  عمران خان ایں عمل کوں سبوتاژ کرتے ملک کوں عدم استحکام دا شکار کرݨ چاہندن جئیں دی انہاں کوں ماکل کائنا ݙتی ویسی۔

LEAVE A REPLY

Please enter your comment!
Please enter your name here