سرائیکی نوجوان شاعر باقر نیازی دے سرائیکی مجموعہ نے اباسین ایوارڈ اپنڑیں ناں کر گھیدا

ڈیرہ اسمعیل خان (سرائیکی نیوز) نوجوان سرائیکی شاعر باقر نیازی نے اباسین ایوارڈ اپنڑیں ناں کر گھیدا، تفصیل دے مطابق ڈیرہ اسمعیل خان دے دیہات شور کوٹ دے ھک غریب گھر نال وابستہ محنت مزدوری کر کے ماں پیو دی کفالت کرن والے ٢٢ سالہ نوجوان سرائیکی شاعر باقر نیازی نے اباسین ایوارڈ حاصل کر تے اپنڑیں ماں پیو تے علاقے دا ناں روشن کر ڈیتا، ، انہاں نے ١٨ سال دی عمر اچ سرائیکی شعر لکھن دا سلسلہ شروع کیتا چار سالہ انتھک محنت دے بعد حال اچ ھی انہاں دا سرائیکی مجموعہ جھانوالا شائع تھیا ، مجموعہ ڈوھڑیاں تے قطعات  تے سرائیکی غزلاں دی خوشبو کھینڈا گئیا ،  انہاں دے شعری مجموعے کوں نامور شاعر عبداللہ یزدانی باقر نیازی نے آکھا کہ انہاں دا شعری مجموعہ واقعی اثر رکھیندے تے دل اچ گھر کریندے۔ باقر نیازی اپنڑیں علاقے دا واحد نمائندہ شاعر ھِ یندے پچھوں 4 نوجواناں نے قلم چاتی تے ڈنہیں رات سرائیکی ادب دی خدمت کرن واسطے جدوجہد شروع کیتی انہاں دیاں تحریراں سبھ دوستاں کوں ھک لڑی اچ سمیٹے ہووے ھن ، باقر نیازی نے آکھیا کہ میکوں ایوارڈ ملن صرف تے صرف میڈی ماں تے پیو دی دعاوواں دا صدقہ ھِ  واضح رھاوے کہ اے ایوارڈ شور کوٹ دی تاریخ دا پہلا سرائیکی ایوارڈ ھِ جو محنتی سرائیکی نوجوان شاعر باقر نیازی نے اپنڑیں ناں کر گھیدا، ایں موقع تے سرائیکی نیوز نے ڈھیر مبارکباد پیش کیتی جیندے جواب اچ نوجوان شاعر نے شکریہ ادا کریندے ہووے ادارے کوں مبارکباد ڈیتی۔