سعودیہ اچ عورتاں ھن بائیک تے ٹرک چلیسن
ریاض(سرائیکی نیوز) سعودی عرب اچ عورتاں نا صرف کار بلکہ موٹر سائیکل تے ٹرک وی چلیسن، خواتین ڈرائیورز واسطے خواتین ٹریفک اہلکار وی بھرتی جاری ھِ سعودی محکمہ ٹریفک پولیس دے مطابق عورتاں ٹریفک دے مطلوبہ قواعد و ضوابط کوں پورا کر تے گڈی دے نال نال موٹر سائیل تے ٹریک وی چلا سکدن، سعودی روڈ سیفٹی منیجمنٹ حکام دا آکھن ھا کہ جلد ھی پیٹرولنگ تے چیکنگ واسطے عورتاں ٹریفک پولیس اہلکاراں دی خدمات گھیدی ویسی۔ جو قواعد دی خلاف ورزی کرن والی خواتین ڈرائیورز دے خلاف کارروائی کرن دی مجاز ہوسی، سعودی حکومت دا رواں سال ستمبر اچ خواتین کوں ڈرائیونگ دی اجازت ڈیتی ھائی جیندے تے عمل درآمد جون 2018 توں تھیسی، حکام جواناں تے عورتاں دے یکساں ٹریفک کوڈ دی تیاری کریندے پئین تاکہ ٹریفک دے نظام اچ کہیں قسم دی کوتاہی نا آوے، حکام دا آکھن ھِ کہ سڑکاں تے قائم چیک پوسٹاں تے وی عورتاں کوں متعین کرن دے نال نال عورتاں دے پیٹرولنگ مرکز وی قائم کیتے ویسن۔
