طالبہ کوں چھٹی نا ڈیتی موت مل گئی، کالج انتظامیہ دی غفلت
ڈو گھنٹے بعد طالبہ کوں اسپتال منتقل کیتا لیکن طبعیت نا سنبھل سکی ڈو ڈینہیں تک کومے اچ رہاون دے بعد اجالا زندگی دی بازی ہار گئی
فیصل آباد( سرائیکی نیوز) فیصل آباد دے سرکاری کالج اچ غفلت دی انتہا تھئی گئی ڈو ڈینہیں تک کومے اچ رہاون دے بعد اجالا دم توڑ گئی طبعیت دی خرابی تِ اجالا کوں گھر ونجن دی اجازت نا ملی ھائی ڈو گھنٹے ترڑپن دے بعد ایمبولینس سڈوائی گئی۔ گورنمنٹ کالج خواتین اچ تریھیجے سال دی طالب علم دی طبعیت خرابی تھعی تِ مبینہ طور تِ پرنسپل نے اسپتال گھن ونجن دی اجازت نا ڈیتی ڈو گھنٹے دی دیر دے بعد طلبہ کوں اسپتال منتقل کیتا گیا لیکن اوں ویلے کافی دیر تھئی گئی ۔ ڈو ڈینہیں کومہ اچ رہاون دے بعد اجالا اپنڑی جان دی بازی ہار گئی گھر والیاں نے سڑک تِ لاش رکھ کے احتجاج کیتا تِ ٹائر ساڑھ تِ شیخوپورہ روڈ دے ٹریفک کوں بند کر ڈیتا ایس ایچ او دے نال گالھ مہھاڑ دے بعد ایں یقین دے احتجاج ختم کیتا کہ کالج انتظامیہ دی غفلت دے خلاف قانونی کارروائی عمل اچ گھن تِ آسوں ۔ علم دی روشنی توں اجالے دا خواب گھن تِ اجالا موت دے اندھیریاں اچ چلی گئی ، کالج انتظامیہ دی غفلت نے گھر دا چراغ وسما ڈیتا۔
