گھٹ عمر گھراں ءچ کم کریندݨ والے ملازمین توں تریھ گھنٹوں توں ودھ کم کرواوݨ تے پابندی

لاہور(سرائیکی نیوز) ہائی کورٹ نے گھٹ عمر گھراں ءچ کم کرں والے ملازمین توں تریھ گھنٹوں توں ودھ کم کرواوݨ تے پابندی لا ݙیتی، لاہور ہائی کورٹ نے گھریلو ملازمین تے تشدد دے خلاف قانون تے عمل درآمد کرواوݨ دی درخواست دا تحریری فیصلہ جاری کر ݙیتا، عدالت دا پندرہ سال توں گھٹ عمر بالاں توں گھراں ءچ کم نا کرواوݨ دے قانون تے سختی نال عمل درآمد دا حکم ݙے ݙیتا، تے انہاں دے تحفظ کیتے خصوصی عدالتاں وی بنڑاوݨ دی ھدایت کیتی ، ہائی کورٹ دا گھریلو ملازمین ، بالاں دی حفاظت کیتے کمیٹیاں قائم کرݨ دے انہاں دی تنخواہ دا نوٹی فکیشن جاری کرں دا وی حخم ݙیتا گئیا۔ عدالت نے فیصلے ءچ آکھیا کہ ١٥ سال توں ١٨ سال تک دے بالاں توں صرف تریھ گھنٹے کم کروایا ونجے مزدوراں دے عالمی ݙینھ یکم مئی تے انہاں کوں چھٹی ݙیتی ونجے تے انہاں کیتے سوشل سیکیورٹی ادارہ وی بنڑایا ونجے ، درخواست گزار وکیل نے ھائی کارٹ نے استدعا کیتی ھِ کہ حکمت دی طرفوں گھریلو ملازمین تے تشدد توں متعلق قانون تے عمل نا کروایا ویندا پیا، جیندی وجہہ توں ملازمین تے تشدد ءچ اضافہ تھیندا پیا ھِ