کیڈٹکالج خانپور یا اسلامیہ یونیورسٹی بہاول پور سبھ کیمپس خانپورعوام دے سجاکے مستقبل دا در ھن، وائس چانسلر
کیڈٹ کالج خان پور ہووے یا اسلامیہ یونیورسٹی بہاولپور سب کیمپس خان پور ݙوہیں منصوبے عوام دے سڄاکے مستقبل دا در کھلیسن، وائس چانسلر اسلامیہ یونیورسٹی بہاولپور پروفیسر ڈاکٹر اطہر محبوب دی اے پی پی نال ڳالھ مہاڑ
اسلام آباد۔2جون(اے پی پی)وائس چانسلری اسلامیہ یونیورسٹی بہاولپور پروفیسر ڈاکٹر اطہر محبوب کیڈٹ کالج خان پور اتے اسلامیہ یونیورسٹی بہاولپور سب کیمپس خان پور منصوبیاں دی تجویز دا خیر مقدم کریندے آکھیے جو ݙوہیں منصوبے عوام دے سڄاکے مستقبل دا در کھلیسن، منصوبیاں دا فیصلہ علاقے دے لوک، عوامی نمائندے اپݨی سوچ اتے فیدے دے مطابق آپ کریسن۔
اے پی پی سرائیکی سروس نال الیندے انہاں آکھیا جو خان پور اچ ٻھاویں کیڈٹ کالج دا منصوبہ ہووے یا ایکوں بطور یونیورسٹی کیمپس استعمال کرݨ دی ڳالھ ہووے، اے ݙوہیں تجویزاں فیدہ مند اتے علاقے اچ جدید تعلیم و تربیت دی جیت ہوسن۔ انہاں پیشکش کیتی جیکر علاقے دے لوکیں خان پور اچ کیڈٹ کلج دی ڄاہ تے اسلامیہ یونیورسٹی بہاولپور دا خان پور اچ سب کیمپس ٻݨاوݨ دی حمایت کیتی تاں ایں سانڳے اسلامیہ یونیورسٹی پورا ہتھ ونݙیسی جو اساں عوامی رائے اتے سک دا پورا احترام کریندوں.
ایندے نال خان پور دے ہزاراں طلبہ و طالبات دا فیدہ تھیسی، کیمپس ٻݨݨ نال ایندے اچ نرسنگ کالج دی 50 فیصد توں ودھ سیٹاں تے خانپور تحصیل دا مخصوص کوٹہ ہوسی جیندے نال خانپور صحت دے شعبے اچ ٻہوں اڳو تے نکل ویسی۔ یاد راہوے جو حکومت پنجاب کیڈٹ کالج خان پور منصوبے دی 2016،17 اچ منظوری ݙتی ہئی ڄیڑھا حالی تئیں تور نئیں پڄ سڳیا۔
