کوئی طیارہ کراچی توں دہلی کیتے نی اُݙیا، سی اے اے

کراچی(سرائیکی نیوز) پاکستان سول ایوی ایشن اتھارتی حکام نے آکھیا ھِ کہ جمعہ دے ݙینھ کوعی طیارہ کراچی توں دہلی کیتے نی اُݙیا کیونکہ پاکستان نال بھارت ونجن والے تمام فضائی رستے بند ھن ، مقامی اخبار دے مطابق پاکستان سول ایوی ایشن اتھارٹی حکام نے بھارتی فضائیہ دی طرفوں کراچی توں دھلی ونجن والے جارجیا دے طیارے کوں جےپور ءچ لہاوݨ دے دعوے کوں مسترد کریندے ہووے آکھیا ھِ کہ ایہو جیاء کوئی طیارہ کراچی توں اݙا ھی کینی جیکوں لہاوݨ دا دعوی بھارتی فضائیہ کریندی ھِ بھارتی دعوی دے مطابق جے پور دے ہوائی اݙے تے لہایا ونجن والا طیارہ جارجیا دا اے این ١٢ ھِ جو پاکستان توں اُݙیا ھا تے ایں نے بھارتی فضائی حدود ءچ طے شدہ فضائی روٹ توں انحراف کیتا ھا ، ݙوجہے پاسے پاکستان سول ایوی ایشن دے حکام نے ݙسایا کہ کوئی طیارے پاکستان توں نی اُݙیا کیونکہ پاکستان توں بھارت ونجن والے تمام فضائے رستے بند ھن جبکہ بھارت توں وی کوئی طیارہ براہ راست پاکستان داخل نی تھئی سکدا۔

سی اے اے ذرائ دا آکھݨ ھا فضائی حدود بند تھیوݨ دے نتیجے ءچ پاکستان آ تے بھارت ونجن والے طیارے مسقط دے رستے بھارت ویندے ھن حکام نے مزید وضاحت کیتی کہ سی اے اے دے ریکارڈ ءچ اج ایہو جئے کہیں طیارے دا اندراج کینی جو پاکستان آ تے بھارت چلا ونجے ، جبکہ جارجیا دا اے این ١٢ طیارہ کراچی آیا ھی کینی۔