پی ٹی آئی اوور سیز سوشل میڈیا دے لوک ملکی دفاعی اداریاں دے خلاف زہریلا پراپیگنڈہ کریندے پن، احسن اقبال
لاہور۔29مئی (اے پی پی) وفاقی وزیر برائے منصوبہ بندی پروفیسر احسن اقبال آکھیا جو پی ٹی آئی اوور سیز سوشل میڈیا دے لوک ملکی دفاعی اداریاں دے خلاف زہریلا پراپیگنڈہ کریندے پن، انہاں آکھیا جو آئینی مدت پوری تھیوݨ تے الیکشن ویلھے تے تھیسن، نوے ݙینھ اندر الیکشن دا فیصلہ سیاسی ہئی آئینی اتے قانونی نی، او لوک جیڑھے مئی دے واقعے اچ جرم کیتے انہاں دے خلاف ثبوت موجود ہن، کہیں ہک پارٹی دی صلاحیت نی جو کلھیں پاکستان کوں اوکھ توں کݙھ سڳے، پی ٹی آئی اوور سیز سوشل میڈیا دے لوک ملکی دفاعی اداریاں دے خلاف زہریلا پراپیگنڈہ کریندے پن کوئی وی محب وطن انہاں دی حمایت کائنا کریسی، اڄ اساکوں ہک تھی تے ملک کوں اوکھ توں کݙھݨا پوسی۔ ٹیکنالوجی دی دنیا اچ تبدیلی امدی پی اے اتے اساکوں اڳوں ودھݨ کیتے خود کوں جدید کرݨا پوسی۔ او سنوار کوں انفارمیشن ٹیکنالوجی یونیورسٹی ارفع کریم ٹاور اچ تھیوݨ آلی ہک تقریب توں خطاب کریندے پے ہن۔ وفاقی وزیر آکھیا جو اڄ پاکستان جتھ اے کہیں ہک لیڈر یا ہک پارٹی کنے صلاحیت نی جو کلھیں پاکستان کوں اوکھ توں کݙھے۔
