لاہور ۔ پی ٹی آئی چیئرمین عمران خان دی گرفتاری دے بعد ھنگامہ آرائی دے دوران ھلاکتاں دی تعداد دے حوالے نال متضاد اطلاعات سامنڑیں آئی ھِ برطانوی ریڈیو دے مطابق ڈو ڈینھ اچ ١٠ بندے مارے گئے ھن ، امریکی خبر رساں اجنسی نے ھلکاتاں دی تعداد ٦ ڈسائی ھِ جبکہ پی ٹی آئی دا دعوی ھِ کہ انہاں دے ٦٠ توں ٧٠ بندے مارے گئے ھن۔ ایتھاں پولیس دا آکھݨ ھِ کہ کور کمانڈر لاہور دے گھر اچ تحریک انصاف دے ڈو سینئر رہنماواں میاں محمود الرشد تے میاں اسلم اقبال دی فائرنگ نال ڈو بندے جاں بحق تھئے ھن۔
پولیس دے مطابق میاں محمود الرشید نے اپنڑیں دستی اسلحہ نال فائر کیتا جیندے نال شام نگر دا رھائشی ٣٠ سالہ عبدالقدیر ولد عرفان ھلاک تھئی گئی جبکہ میاں اسلم اقبال دی فائرنگ نال ٣٥ سالہ محمد عبداللہ وزیر ھلاک ،
ایدھی ترجمان دا آکھݨ ھا کہ انہاں اے لاشاں کور کمانڈر ھاوس توں چا تے مردہ خانے متقل کر ڈیتیاں ھن۔ پولیس دی مدعیت اچ عمران خان سمیت ١٢ پی ٹی آئی رہنماواں تے ١٥ سو نامعلوم کارکناں تے دہشت گردی دا مقدمہ درج کر گھیدا۔
ایتھاں عسکری تاور گلبرگ اچ بھا لاوݨ توبچاوݨ پاروں واش روم اچ لوکݨ والا نوجوان دم گھٹݨ نال مر گئیا ۔ تھانڑاں سروس روڈ پولیس نے کور کمانڈر لھاوس لاہور تے حملہ ، توڑ پھوڑ ، ھنگامہ آرائی ، قتل ، ڈکیتی ، اقتدام قتل تے دہشت گردی دا مقدمے عمران خان سمیت ١٢ پی ٹی آئی رہنماوا ں تے ١٥ سو نا معلوم کارکناں تے پا ڈیتا۔ جو ٧ اے ٹی اے سمیت ٢٠ دفعات دے تحت ڈی ایس پی رانا اشفاق دی مدعیت اچ درج کر گھیدا ۔
ذرائع دا آکھݨ ھِ کہ ایں ھنگامہ آرائی دے دوران فائرنگ نال ٢ بندے مرے ، درج ایف آئی آر دے مطابق ایں ھملے اچ ٥٣ پولیس افسر و اھلکار زخمی تھئے
ایف آئی آر دے مطابق ٩ مئی دی شام کوں پنجھ وجے پی ٹی آئی دے ١٥ سو کارکنان جنہاں دی قیادت میاں محمود الرشید تے میاں اسلم اقبال کریندے پئے ھن جو پوری طرح مسلح ھن تے اے ھجوم اپرمال جناح ھاوس دی طرف ویندے پئے ھن جو نعرے لاندے پئے ھن کہ عمران خان کوں رھا کرو ، ایں دوران اے جھنڈ عسکری قیادت دیخلاف وی نعرے بازی کریندا ویندا ھا ۔
مظاہرین نے زبردستی ٹریفک کوں بلاک کر تے ٹریفک دی روانی کوں وی روک ڈیتا جئیں انہاں کوں روکا گیا تاں انہاں دھمکیاں ڈیوݨ شروع کیتی تے آکھا کہ انہاں دی قیادت عمران خان ، شاہ محمود قریشی ، فخ حبیب حماد اظہر مسرت جمشید چیمہ ، جمشید چیمہ، زبیر نیازی ، اسد زمان ، مراد سعید تے علی امین گنڈا پور نے حکم ڈیتا۔ کہ عسکری اداریاں دے دفتراں تے اہم عمارتاں کوں نشان عبرت بنڑاں ڈیو جئیں ویلے پولیس نے ایں جوم کوں روکا تاں انہاں پولیس تے وی سیدھی فائرنگ کیتی جیندے نتیجے نال ڈی آئی جی آپریشنز علی ناصر رضوان ، ایس ایس پی آپریشنز صہیب اشرف، ایس پی اویس شفیق ، ایس پی انٹی رائٹ فورس توقیر سمیت ٥٣ پولسی افسران و اھلکار زخمی تھئے۔
ایں دوران میاں محمود الرشید نے اپنڑیں دستی اسلحہ نال فائر کیتا جئیں نال شام نگر دا رھائشی عبدالقدیر تے میاں اسلم اقبال دی فائرنگ دی زد اچ آ تے ٣٥ سالہ محمد عبداللہ وزیر جو لیہ دھا ھا وہ مر گئے۔
Leave a Reply