پی آئی اے دا حج آپریشن شروع، ٧٠٠ توں ودھ عازمین سعودی عرب روانہ
ملک توں حج آپریشن دا آغاز تھئی گئیا، پہلی پرواز گزشتہ ڈینھ 328 عازمین کوں گھن تے کراچی توں مدینہ منورہ روانہ تھئی گئی۔
اخباری رپورٹ دے مطابق پاکستان انٹرنیشنل ایئرلائنز (پی آئی اے) 22 جون تک حج آپریشن دے دوران 65 ہزار افراد کوں سعودی عرب پھجیسی۔
اعلیٰ سرکاری افسران تے پی آئی اے انتظامیہ عازمین کوں رخصت کرݨ کیتے کراچی ایئرپورٹ تے موجود ھن، پی آئی اے دے ترجمان دے مطابق حج آپریشن دے پہلے روز کراچی، اسلام آباد تے فیصل آباد توں افتتاحی پروازوں اچ 700 توں زائد زائرین سعودی عرب روانہ تھئی گئے۔
پاکستان اچ سعودی سفیر نواف بن سعید المالکی اسلام آباد توں مدینہ ونجݨ والی پہلی پرواز اچ سوار عازمینِ حج کوں رخصت کرݨ کیتے ایئرپورٹ تے موجود ھن، وفاقی وزرا طلحہ محمود تے شاہ زین بگٹی دے علاوہ پی آئی اے، سول ایوی ایشن اتھارٹی تے وزارت مذہبی امور دے حکام وی موجود ھن۔
