لاہور ۔ پنجاب دے نگران وزیر علی محسن نقوی نے آکھیا کہ صوبہ اچ تھیوݨ والے ھنگامیاں دے نتیجے اچ ٦ ارب توں ودھ دا نقصان تھئے مزید تخمینہ ھلی لایا ویندا پئے
لاہور اچ نیوز کانفرنس کریندے ہووے انہاں دا آکھݨ ھا کہ اساڈے کوں ثبوت تے شواھد موجود ھن کہ میانوالی بیس تے کیتا گئیا حملہ باقاعدہ منصوبہ بندی نال کیتا گعیا جیندے اچ پلان ھا کہ اندر موجود جہازاں کوں وی بھا لا ڈیتی ونجے، انہاں اچوں کجھ حملہ آوراں کوں گرفتار کر گھیدا گئیا جبکہ کجھ کوں کیتا ویسی۔ انہاں آکھیا کہ پورے پنجاب اچ سرکاری و نجی ١٠٨ گڈیاں ساڑی گئیاں ٢٣ عمارتوں کوں نقصان پھجایا گئیا جیندے اچ کور کمانڈر ھاوس ، بینکس وغیرہ وی شامل ھن۔ میڈیا کوں بریفنگ ڈیندے ہووے انہاں آکھیا کہ پولیس دی ڈو ویگو گڈیاں ، ٦ ھائی لیکش، ١٢ بساں ، ھک جیل وین ، ٤ موٹر سائیکلاں تے ٢ سنگل کیبن گڈیاں ساڑ ڈیتی گئی ایں طرح واسا دے ٹرک سمیت ٦ گڈیاں ریسکیو ١١٢٢ دی ٨ ایمبولینز، آڈی دا پورا شورم ساڑ ڈیتا گئیا جیندے اچ ھک گڈی مکمل تباہ تھئی جبکہ باقی کوں نقصان پھجا ، ایندے علاوہ ٤ نجی گڈیاں ، ٢ ٹرک تے کنٹینراں کوں وی بھا لا ڈیتی۔
