لاہور : سابق وزیر اعلی پنجاب چوہدری پرویز الہی وی ھک مقدمے اچ رھائی دا حکم ملݨ دے فورن بعد گرفتار ڈوجہے مقدمے اچ گرفتار تھئی گعے۔ لاہور دی ضلع کچہری اچ پرویز الہی دے خلاف ترقیاتی منصوبیاں اچ مبینہ کرپشن تے اختیارات دے ناجائز استعمال دے مقدمے دی سماعت تھئی۔
اینٹی کرپشن پولیس نے چوہدری پرویز الہی کوں عدالت اچ پیش کر تے انہاں دے ١٤ روزہ جسمانی ریمانڈ دی استدعا کیتی۔ سرکاری وکیل نے موقف اختیار کیتا کہ چوہدری پرویز الہی توں تفتیش کرنا ھِ ۔ انہاں اختیارات دا ناجائز استعمال کریندے ہووے خزانے کوں نقصان پھجائے۔
جوڈیشل مجسٹریٹ غام مرتضی نے پرویز الہی دے جسمانی ریمانڈ دی درخواست مسترد کریندے ہووے ناکافی شواھد دی بنیاد تے انہاں کوں کرپشن دے مقدمے توں ڈسچارج کر ڈیتا۔ عدالت نے ھدایت کیتی کہ چوھدری پرویز الہی کوں کیں مقدمے اچ مطلوب کینی تاں فوری رھا کیتا ونجے۔ اینٹی کرپشن نے پرویز الہی کوں راھداری ریمانڈ گھن تے ڈوجہے مقدمے اچ دوبارہ گرفتار کرݨ دے بعد اینٹی کرپشن گوجرانوالہ دے حوالے کر ڈیتا تے بعد از انہاں کوں گوجرانوالہ منتقل کرڈیتا گئیا۔
یاد رھاوے کہ چوھدری پرویز الہی وں مبینہ کرپشن کیس اچ کل گرفتار کیتا گئیا ھا ۔ تھانہ غالب مارکیٹ پولیس پرویز الہی دی گرفتاری کیتے تیار تھئی گئی ھِ ۔ پرویز الہی دے خلاف تھانڑاں غالب مارکیٹ اچ دہشت گردی دی دفعات دے تحت مقدمہ درج ھِ انسداد دہشت گردی دی خصوصی عدالت نے پرویز الہی دی عبوری ضمانت خارج کیتی ھائی۔
