پارلیمنٹ تے لعنت بھجینداں، عمران خان

لاہور (سرائیکی نیوز)عمران خان دا لاہور جلسے اچ شریف خاندان تے تنقید دے نشتر وسا ڈیتے ، آکھیندے ھن کہ سانحہ ماڈل ٹاون اچ سبھ کجھ حکم تے کیتا گئیا ڈونہاں بھیرا ایندے ذمہ دار ھن، نواز شریف جمہاریت تے یقین ھی نی رکھیندے ، زینب دے والدین نے پنجاب پولیس ، وزیر اعلی توں نی چیف جسٹس ، آرمی چیف توں انصاف منگے، شیخ رشید دی حمایت کریندے ہووے آکھیا کہ پارلیمنٹ تے لعنت بھجینداں۔

لاہور اچ پاکستان عوامی تحریک تے اپوزیشن جماعتاں دے مشترکہ احتجاجی جلسے توں خطاب کریندے ہووے پاکستان تحریک انصاف دے سربراہ بولے کہ قصور اچ چند ماہ توں اے سبھ کجھ تھیندا پئا ھا کجھ نی تھئیا ، زینب دا کیس آیا تے قوم کوں پتہ چلے کہ اساڈے بالاں دے نال وی اے تھئی سکدے سارا پاکستان ڈیکھدا پئے کہ ماڈل ٹوان اچ پولیس خالی ہتھ والیاں معصوم شہریاں تے گولیاں چلیندی رہی ، ماڈل ٹوان اچ ١٤ لوگاں کوں قتل کیتا گئیا تے کئی زخمی تھئے ، کیا قسور ھا ماڈل ٹون دے متاثرین کو انصاف ملے؟ ڈیرہ اسمعیل خان اچ چھوکری دی بے حرمتی دے واقعے اچ ملوث ٩ ملزمان پکڑے گئن مشال خان قتل کیس اچ 57 توں 55 ملزمان جیل اچ سٹھ ڈیتے گئے زینب دے والد نے آرمی چیف تے چیف جسٹس توں انصاف منگیا ، زینب دے والدین نے پنجاب پولیس ، وزیر اعلی توں کیوں انصاف نی منگا؟ رانا ثناء اللہ توں تاں کہیں نے انصاف نی منگا تاں او شکل توں ھی قاتل لگدن

عمران خان نے مزید آکھیا کہ خیبر پختونخواہ دی پلیس اچ کوئی سیاسی مداخلت کینی ، پہلے پیسے گھن تے خیبر پختونخواہ پولیس اچ پوسٹنگ ٹرانسفر کیتی ویندی ھائی اج کرائم دے اعداد و شمار ڈیکھ گھینو کرائم تلے ، دہشت گردی تلے آ گئی ھِ ، اج خیبرپختونخواہ پولیس بااختیار تے سیاسی مداخلت توں پاک ھِ لاہور ہائی کورٹ نے آئی جی عباس توں پچھا کہ کیوں پنجاب پولیس کرپٹ ھِ انہاں نے جواب ڈیتا شریف خاندان نے میرٹ ختم کر تے پولیس اچ بھرتی کیتی ، عباس خان نے پولیس دی کرپشن دی ٣ چیزاں ڈسایاں۔

پی ٹی آئی سربراہ دا آکھن ھا کہ کرپشن دی ڈوجہی وجہہ پیسے ڈے تے پولیس دی نوکری ملن ھِ جو پیسے ڈے تے بھرتی تھیا اوں نے ریکوری تاں کرنی ھ اپنڑیں پیسیاں دی، شہباز شریف آپ مردان ونجن ، پولیس تے تنقید کرن لوگ انہاں کوں انڈے تے ٹماٹر مریسن، لوگ کے پی کے پولیس تے اعتماد کریندے ھن۔ انہاں نے مزید آکھیا کہ پوری وثوق نال آکھینداں کہ ماڈل ٹاون اچ سبھ کجھ حکم تے کیتا گئیا ھا سانحہ ماڈل ٹاون دے پچھوں وی اے ڈونہیں بھیرا ھن، چالھی سال توں انہاں ڈونہیں بھیراواں کوں جانڑداں ، نواز شریف جمہوریت تے یقین ھی نی رکھیندے اے ضیاء الحق کوں آکھیندے ھن وڈا چنگا کیتا کہ ذوالفقار کوں پھانسی لا ڈیتی، ٤ سال تھیون کوں ھن سانحہ ماڈل ٹاون دا کوئی مجرم نی پکڑا گئیا کیوں کہ اے خود وڈے مجرم ھن۔