وزیر داخلہ بنڑایا گئیا تاں شہباز ، شاھد خاقان ، تے سعد رفیق جیل ءچ ہوسن، شیخ رشید

لاہور(سرائیکی نیوز) عوامی مسلم لیگ دے صدر شیخ رشید احمد نے آکھیا کہ اگر میں عزیر داخلہ بنڑا تے شہباز شریف ، شاھد خاقان عباسی تے سعد رفیق جیل ءچ ہوسن، منشیات فروشاں ، چوراں تے جواریاں نال جیلاں بھر ݙیساں، زندگی ءچ ٨ واری وزیر رھیا ھاں تے وزارت دا سوال کرݨ اپنڑی توھین سمجھداں، عمران خان ٧٢ گھنٹے ءچ کابینہ دا فیصلہ کر گھنسن۔ مقامی چینل دے ھک پروگرام ءچ گالھ مہاڑ کریندے ہووے آکھیا کہ عمران خان دی جیت پاکستان دے غریب عوام دی جیت ھِ تے پاکستان کوں شدید مسائل در پیش ھن تحریک انصاف کا نا پنجاب ءچ اکثریت حاصل ھِ تے نا قومی اسمبلی تے نا سینیٹ ءچ اکثریت حاصل ھِ انہاں آکھیا کہ ایں وقت سیاسی جماعتاں دی ٦٧ فیصد قیادت تے نیب دے کیسز ھن ، عمران خان وݙے تیزی نال اقدامات کرݨ والے ھن تے شاید انہاں دی ایں وجہہ اے ھِ کہ او فاسٹ باولر ھن انہاں آکھیا کہ بھٹو دے بعد ایں قوم نے عمران خان تے اعتماد کیتا ھِ اگر ھن حالات بھٹو دے الیکشن دے بعد والے بنڑے تاں ایں ملک دے نال بہوں برا ہوسی، انہاں آکھیا کہ آئندہ ٧٢ گھنٹے تک عمران خان اپنڑیں کابینہ ءچ فیصلہ کریسن، کرپشن دے سمندر ءچ عمران خان نے ثابت کرنا ھِ کہ کہیں این آر او دی گنجائش کینی، نواز شریف دا خیال ھا کہ انہاں دے جیل ونج تے ھمالیہ روسی لیکن ھک ٹائر تک نی سڑا ، اے مسلم لیگ ن دا مزاج ھِ کہ میتھا میٹا ھپ ھپ تے کڑوا کڑوا تھو تھو ۔ شیخ رشید دا آکھݨ ھا کہ نواز دور ءچ بھرتی کیتے گئے نا اہل پولیس افسران دا احتساب کیتا ونجنڑاں چاھیدا ھِ میں ایں قوم دی طاقت ور آواز ھاں عمران خان دے وزیر اعظم ہاوس نا ونجݨ دے حوالے نال ھک سوال تے شیخ رشید نے آکھیا کہ میڈی گالھ نا سنڑسن، انہاں کوں وزیر اعظم ہاوس ءچ ونجنڑاں چاھیدا ھِ کیونکہ اگر او نا گئے تاں بعد ءچ وزیر اعظم ہاوس دی مرمت دے کروڑاں روپے لگ ویسی ۔ عمران خان پاکستان دی تاریخ ءچ ایہو جئے وقت ءچ حکمران بنڑݨ ویندے پئے ھن جئیں ویلے وݙے حساس حالات ھن انہاں کوں عالم اسلام دا ھک مضبوط پاکستان بنڑاون کیتے جدوجہد کرنی چاھیدی ھِ ، پاکستان دی سلامتی دا نشان فوج ھِ اے بے شرم لوگ بولیندے کینی اے سب اندروں ملے ہووئے ھن پاک فوج پاکستان دی زندگی دی ضمانت ھِ جئیں نے پاکستان کوں کاٹنڑیں تے ایں نے پہلے پاک فوج کوں نشانہ بنڑاونڑیں۔ سندھ ءچ پیپلز پارٹی دی حکومت ایں واسطے بنڑݨ ویندی پئی ھِ کہ کہیں نے محنت نی کیتی تے کوئی سکھر توں اگوں گئیا ھی کینی۔