وزیراعظم دا شعیب ہاشمی دے انتقال تے اظہارتعزیت
اسلام آباد۔15مئی(اے پی پی) وزیراعظم محمد شہبازشریف استاد، ڈرامہ نویس، مزاح نگار، دانشور، شاعر اتے فیض احمد فیض دے جواترے شعیب ہاشمی دے انتقال تے ݙکھ تے افسوس دا اظہار کیتے ۔ وزیراعظم آفس دے میڈیا ونگ توں جاری بیان موجب وزیراعظم منیزہ ہاشمی، سلیمہ ہاشمی اتے ٻئے اہل خانہ ںال شعیب ہاشمی دی وفات تے ہمدردی دا اظہار کیتے۔ وزیراعظم آکھیے شعیب ہاشمی پی ٹی وی دے سنہری دور اچ اہم کردار ادا کیتے ۔ انہاں طنز و مزاح دے پروگراماں اچ نویں جہت متعارف کروائی ۔شعیب ہاشمی یادگار تے ناقابل فراموش ڈرامے لکھیے ۔ وزیراعظم آکھیے انہاں دے قلم توں روشن اقدار، روایات اتے نظریات کوں ودھارا ملیے ۔ انہاں جیہے قلم کار اتے دانشور معاشرے کوں تہذیب، سلیقہ اتے ادب سکھائے ۔اُنہاں دی وفات معاشرے، فن اتے ادب دا وݙا ضیان اے ۔وزیراعظم اللہ تعالی توں مرحوم دے درجات دی بلندی اتےلواحقین کیتے صبر جمیل دی دعا کیتی۔
