معاشرے دے سارے طبقات کوں معذور لوکاں کوں قومی دھارے اچ رلاوݨ کیتے رل تے کم کرݨا ہوسی،ثمینہ علوی

لاہور۔12اگست (اے پی پی):خاتون اول محترمہ ثمینہ عارف علوی آکھیے جو معاشرے دے سارے طبقات کوں معذور لوکاں کوں قومی دھارے اچ رلاوݨ کیتے رل تے کم کرݨا ہوسی، اے ڳالھ انہاں ادارہ بحالی معذوراں دا دورہ کریندے ہوئیں آکھی اے ۔ادارے دے سربراہان ، ایگزیکٹو کمیٹی ممبران اتے ہائی سکول دے طلبا خاتون اول دا استقبال کیتا۔صدر مملکت دی اہلیہ محترمہ ثمینہ عارف علوی پی ایس آر ڈی ہائی سکول ، آرتھو پیڈیک ہسپتال ،او پی ڈی سودھے ٻئے ڈپارٹمنٹس دا دورہ کیتے۔انہاں معذور لوکاں دی بحالی اچ ادارے دی خدمات دی تعریف کیتی ، انہاں آکھیے اے ادارہ 1957 توں خصوصی لوکاں دی فلاح و بہبود کیتے کم کریندا پئے ، ایں مشن دا آغاز ھک کمرے توں تھیا ہئی ، ہݨ اے جسمانی عوارض اتے مسئلیں دے حل کیتے سریں توں جامع ادارہ بݨ تے ابھریے ۔بیگم ثمینہ علوی آکھیے جو معاشرہ دے سارے طبقات کوں رل تے معذور لوکاں کوں قومی ادھارے اچ رلاوݨ کیتے رل تے کرݨا ہوسی تاں جو او آپݨی صلاحیتاں کوں بروئے کار گھن آتے ملکی ترقی اچ کردار ادا کرسڳن ۔